લજાઈ ચોકડી પાસે હિટ એન્ડ રનમાં યુવકનું મોત
ટંકારા નજીક લજાઈ ચોકડી પાસે ગત શુક્રવારે અજાણ્યા ટ્રક ચાલકે બાઈકને ઠોકરે લીધી હતી આ બનાવમાં રાજસ્થાનથી કામની શોધમાં આવેલા એક યુવકનું ઘટનાસ્થળે જ મોત નિપજ્યું હતું જ્યારે બીજા યુવકે રાજકોટ સિવિલમાં સારવારમાં દમ તોડી દીધો હતો.
આ પણ વાંચો: ચુનારવાડ ચોકના ઇન્ડિયન ઓઇલ પેટ્રોલ પંપના કર્મચારી પર બે શખ્સોનો હુમલો
પ્રાપ્ત વિગતો અનુસાર, વાંકાનેરના મહાવીર ચોક વિસ્તારમાં રહીને લાદી કામ કરતા કાનારામ મદનલાલ સ્વામી (ઉં.વ. ૨૩) અને રાજેશ વિજયભાઈ દયાલ (ઉં.વ. ૨૧) બંને ટંકારાની એક હોટલમાં લાદીનું કામ પૂર્ણ કરીને પોતાના બાઈક પર વાંકાનેર તરફ પરત ફરી રહ્યા હતા. ત્યારે લજાઈ ચોકડી નજીક યમદૂત બનીને આવેલા એક અજાણ્યા ટ્રક ચાલકે તેમને જોરદાર ટક્કર મારી હતી. આ ઘટનામાં કાનારામનું સ્થળ ઉપર જ મોત નિપજ્યું હતું જ્યારે ઇજાગ્રસ્ત રાજેશને સિવિલમાં ખસેડતાં તેણે પણ ત્રણ દિવસની સારવાર બાદ આંખ મીચી દીધી હતી.રાજેશ અને કાનારામ બંને પોતાના વતન રાજસ્થાનથી માત્ર બે દિવસ પહેલા જ રોજીરોટી કમાવવાના હેતુથી અહીં આવ્યા હતા. મૃતક રાજેશ તેના પરિવારમાં ત્રણ ભાઈઓ અને ચાર બહેનોમાં બીજા નંબરનો હતો અને હજુ કુંવારો હતો.
