નવું બિલ રજૂ: સરકારે સંસદમાં ‘પેમેન્ટ એન્ડ સેટલમેન્ટ સિસ્ટમ (સંશોધન) વિધેયક, 2027’ રજૂ

કેન્દ્ર સરકાર દ્વારા સંસદમાં નવું પેમેન્ટ એન્ડ સેટલમેન્ટ સિસ્ટમ (સંશોધન) વિધેયક, 2027 રજૂ કરવામાં આવ્યું છે. આ બિલ અંતર્ગત મર્ચન્ટ ડિસ્કાઉન્ટ રેટ (MDR) પાછો ખેંચવાની વાત કરવામાં આવી છે, જેને લઈને સોશિયલ મીડિયા પર વિવિધ ચર્ચાઓ ચાલી રહી છે. આ વિધેયક અને તેના નિયમો અંગેની સંપૂર્ણ વિગતો નીચે મુજબ છે:

કોના પર લાગુ થશે ચાર્જ? (માત્ર વેપારીઓ માટે)

આ નિયમ સામાન્ય UPI યૂઝર્સ માટે નથી. આ પ્રસ્તાવ મુખ્યત્વે 2000 રૂપિયાથી વધુના વ્યવસાયિક પેમેન્ટ (કોમર્શિયલ ટ્રાન્ઝેક્શન) અને મોટા વેપારી સંસ્થાનોને ટાર્ગેટ કરે છે. ગ્રાહકથી ગ્રાહક (P2P) વચ્ચે થતા ટ્રાન્ઝેક્શનને સંપૂર્ણ છૂટ આપવામાં આવી છે. સામાન્ય UPI મર્યાદા 1 લાખ રૂપિયા પ્રતિદિન યથાવત રહેશે, જ્યારે હોસ્પિટલ અને શિક્ષણ જેવી વિશેષ શ્રેણીઓમાં વધુ મર્યાદા મળશે.

આ પણ વાંચો: UGC દ્વારા ગુજરાત યુનિવર્સિટીને Category-II Graded Autonomy નો દરજ્જો મળ્યો

રોજિંદી ખરીદી અને ભાડા સંપૂર્ણ મુક્ત

સોશિયલ મીડિયા પર ફેલાયેલા ભ્રમથી વિપરીત, આ ચાર્જ સામાન્ય નાગરિકોને બિલકુલ સ્પર્શશે નહીં. દૂધ, શાકભાજી, કરિયાણા જેવી રોજિંદી ચીજવસ્તુઓની ખરીદી તેમજ ઓટો રિક્ષા અને ટેક્સીના ભાડા પર તેની કોઈ પણ અસર નહીં પડે.

MDR (મર્ચન્ટ ડિસ્કાઉન્ટ રેટ) શું છે?

MDR એ એક એવો શુલ્ક છે જે વેપારીઓ ડિજિટલ લેવડ-દેવડની સુવિધા આપવા બદલ બેંકો અને પેમેન્ટ સર્વિસ પ્રોવાઇડર્સને ચૂકવે છે. આ શુલ્ક માત્ર વ્યાપારી એકમો પર જ લાગુ થશે, UPI નો ઉપયોગ કરતા સામાન્ય ઉપભોક્તાઓ પર નહીં. આંકડાકીય માહિતી અનુસાર, દેશના આશરે 95 ટકા ટ્રાન્ઝેક્શન 2000 રૂપિયાની મર્યાદાથી ઓછા હોય છે, જ્યારે માત્ર 5 ટકા ટ્રાન્ઝેક્શન જ આ મર્યાદાથી ઉપર થાય છે.

પ્રસ્તાવિત શુલ્ક કેટલો હોઈ શકે?

એક અહેવાલ મુજબ, 2000 રૂપિયાથી ઉપરના વ્યવસાયિક લેવડ-દેવડ પર પ્રસ્તાવિત શુલ્ક 0.25 ટકાથી 0.4 ટકા સુધી હોઈ શકે છે. જોકે, આના અમલીકરણની ચોક્કસ સમયસીમા અંગે હજુ સુધી કોઈ અંતિમ નિર્ણય લેવામાં આવ્યો નથી, પરંતુ તેનો મુખ્ય ઉદ્દેશ્ય ડિજિટલ પેમેન્ટ ઇકોસિસ્ટમને આર્થિક રીતે સંતુલિત રાખવાનો છે.