અભિનેત્રી આકાંક્ષા પુરીનો ચોંકાવનારો ખુલાસો ચર્ચામાં: ફ્લાઇટ ટિકિટ અને હોટેલની ઓફરનો પણ દાવો
અભિનેત્રી આકાંક્ષા પુરીએ દાવો કર્યો છે કે જંતર-મંતર ખાતે ચાલી રહેલા સીજેપી પ્રોટેસ્ટને સમર્થન આપવા માટે તેમને પૈસા, ફ્લાઇટ ટિકિટ અને હોટલની સુવિધાની ઓફર કરવામાં આવી હતી. જોકે તેમણે આ ઓફર ફગાવી દીધી હોવાનું જણાવ્યું છે.
એક ઇન્ટરવ્યૂ દરમિયાન આકાંક્ષાએ કહ્યું કે તેમને માત્ર સમર્થન જ નહીં, પરંતુ આંદોલનને લગતા વીડિયો અને રીલ્સ બનાવવા માટે પણ આર્થિક પ્રસ્તાવ આપવામાં આવ્યો હતો. તેમના જણાવ્યા મુજબ આવા પ્રસ્તાવો અન્ય કેટલાક ક્નટેન્ટ ક્રિએટર્સને પણ મળ્યા હતા.
આ પણ વાંચો: દેવેન્દ્ર ફડણવીસ બનશે આગામી શિક્ષણ મંત્રી
આ નિવેદન બાદ સોશિયલ મીડિયામાં ચર્ચાનો માહોલ સર્જાયો છે. કેટલાક લોકોએ તેમના દાવાને સમર્થન આપ્યું, જ્યારે અનેક યુઝર્સે પુરાવા રજૂ કરવાની માંગ કરી. કેટલાકે સમગ્ર મામલાની નિષ્પક્ષ તપાસ કરવાની પણ માંગણી કરી.
હાલમાં આકાંક્ષા પુરીના દાવાની કોઈ સ્વતંત્ર પુષ્ટિ થઈ નથી અને તેમણે જાહેરમાં કોઈ દસ્તાવેજ કે પુરાવો રજૂ કર્યો નથી. તેથી આ મામલો હાલ તેમના નિવેદન અને સોશિયલ મીડિયા પરની ચર્ચા પૂરતો જ સીમિત છે.
