વરુણ ધવનની દીકરીની પહેલી ઝલક…5 દિવસની દીકરીને ઘરે લાવ્યા માતા-પિતા, જુઓ વિડીયો
વરુણ ધવનની પત્ની નતાશાએ ૩ જુનના રોજ પુત્રીને જન્મ આપ્યો હતો. ત્યારબાદ 7 જૂનના રોજ વરુણ ધવન અને નતાશા દલાલ તેમના દીકરીને લઈને સાથે ઘરે પાછા ફર્યા હતા. પાપારાઝી અને બોલિવૂડ ચાહકોને આખરે વરુણ ધવનની નવજાત પુત્રીની એક નાની ઝલક જોવા મળી હતી. અભિનેતા તેની પુત્રી અને પત્ની નતાશા દલાલ સાથે શુક્રવારે બપોરે મુંબઈની હિન્દુજા હોસ્પિટલમાંથી ઘરે પરત ફર્યા હતા.
વરુણે આ વર્ષે ફેબ્રુઆરીમાં ઈન્સ્ટાગ્રામ પર બ્લેક એન્ડ વ્હાઇટ ફોટો શેર કર્યો હતો અને કહ્યું હતું કે તેઓ ટૂંક સમયમાં માતા-પિતા બનવાના છે. આ ફોટોમાં તે નતાશાના બેબી બમ્પને કિસ કરતો જોવા મળ્યો હતો. તેનો પાલતુ કૂતરો જોય સોફા પર બેઠો છે. ફોટો શેર કરતી વખતે, તેણે કેપ્શનમાં લખ્યું, “અમે ગર્ભવતી છીએ… તમારા બધાના આશીર્વાદ અને પ્રેમની જરૂર છે.” ટૂંક સમયમાં જ તે ક્ષણ આવી ગઈ જેની ધવન પરિવાર અને ચાહકો રાહ જોઈ રહ્યા હતા. 4 જૂનના રોજ, વરુણે ઈન્સ્ટાગ્રામ પર એક પોસ્ટ શેર કરી હતી જેમાં તેનો પાલતુ કૂતરો બીગલ જોય ઈ-કાર્ડ ધરાવે છે અને તેમાં લખ્યું હતું: “વેલકમ લીટલ સિસ્ટર … 3જી જૂન 2024.”
અભિનેતાએ આ પોસ્ટના કેપ્શનમાં લખ્યું, “અમારી દીકરી આવી ગઈ છે. માતા અને બાળકને શુભકામનાઓ આપવા બદલ આભાર. હરે રામ, હરે રામ, રામ રામ હરે હરે, હરે કૃષ્ણ હરે કૃષ્ણ, કૃષ્ણ કૃષ્ણ હરે હરે.” વરુણ અને નતાશા બાળપણના મિત્રો છે. બંનેએ લાંબા સમય સુધી એકબીજાને ડેટ કર્યા અને પછી 24 જાન્યુઆરી 2021ના રોજ અલીબાગમાં લગ્ન કરી લીધા. નતાશા દલાલ વ્યવસાયે ફેશન ડિઝાઇનર છે.
વર્ક ફ્રન્ટની વાત કરીએ તો વરુણ છેલ્લે ફિલ્મ ‘બવાલ’માં જોવા મળ્યો હતો. તે ટૂંક સમયમાં એ. કાલીસ્વરન દ્વારા નિર્દેશિત એક્શન થ્રિલર ફિલ્મ ‘બેબી જોન’માં જોવા મળશે. આ ફિલ્મમાં તેની સાથે કીર્તિ સુરેશ, વામિકા ગબ્બી અને જેકી શ્રોફ પણ છે.
