કોર્પોરેશન અને નગરપાલિકાઓની ભરતીમાં એક્સ આર્મીમેન માટે અનામત જાહેર

દેશની સરહદોનું રક્ષણ કરીને નિવૃત્ત થતા શિસ્તબદ્ધ અને તાલીમબદ્ધ પૂર્વ સૈનિકો માટે ગુજરાત સરકાર દ્વારા એક ખૂબ જ મોટો અને આવકારદાયક નિર્ણય લેવામાં આવ્યો છે. ગુજરાત હાઈકોર્ટમાં દાખલ થયેલી જનહિતની રિટ (PIL) બાદ રાજ્ય સરકારે ઐતિહાસિક પગલું ભરીને સ્થાનિક સ્વરાજ્યની સંસ્થાઓમાં પૂર્વ સૈનિકો માટે અનામતની જોગવાઈ કરી છે. આ નિર્ણયથી રાજ્યના હજારો પૂર્વ સૈનિકોને રોજગારીની નવી તકો અને યોગ્ય પ્રતિનિધિત્વ મળવાનો માર્ગ મોકળો બન્યો છે.

ગુજરાત સરકારનો ઐતિહાસિક ઠરાવ: તા. ૨૮-૭-૨૦૨૬

રાજ્યની મહાનગરપાલિકાઓ અને નગરપાલિકાઓમાં વિવિધ પદો પર પૂર્વ આર્મી કર્મચારીઓ માટે અનામતની માંગ કરતી એક્સ આર્મીમેન હરેશ વિટલાણીની PIL મામલે પૂર્વ સૈનિકોની મોટી જીત થઈ છે. આ અરજીના પગલે ગુજરાત સરકાર દ્વારા તારીખ ૨૮-૦૭-૨૦૨૬ ના રોજ સત્તાવાર ઠરાવ જાહેર કરવામાં આવ્યો છે.

આ નવા આદેશો તમામ મ્યુનિસિપલ કમિશનરો અને સંબંધિત સત્તાધીશોને મોકલી આપવામાં આવ્યા છે, જેથી સ્થાનિક સ્વરાજ્યની સંસ્થાઓની તમામ ભરતીઓમાં આ નિયમનું કડક પાલન થઈ શકે.

આ પણ વાંચો: GCRI અમદાવાદ દ્વારા સમયસર કેન્સર સ્ક્રીનિંગ અને તમાકુ ત્યાગનો મહત્વપૂર્ણ સંદેશ

કયા વર્ગમાં કેટલા ટકા અનામત મળશે? (વિગતવાર આંકડા)

સરકારના નવા ઠરાવ મુજબ વિવિધ વર્ગની જગ્યાઓ માટે પૂર્વ સૈનિકોને નિશ્ચિત ટકાવારી પ્રમાણે અનામતનો લાભ મળશે:

હાઈકોર્ટની લાલઆંખ અને અગાઉનો સંઘર્ષ

આ મામલે સુનાવણી દરમિયાન ગુજરાત હાઈકોર્ટના ચીફ જસ્ટિસ સુનિતા અગ્રવાલ અને જસ્ટિસ ડી.એન. રે ની ખંડપીઠે તંત્રને ટકોર કરતા ખૂબ જ મહત્વપૂર્ણ અવલોકન કર્યું હતું કે,

“પૂર્વ આર્મી જવાનો જેવા શિસ્તબદ્ધ અને તાલીમબદ્ધ સારા કર્મચારીઓ તમને ક્યાંથી મળશે? સામાન્ય રીતે રાજ્ય સરકાર જે પોલીસી બનાવે તે મહાનગરપાલિકાઓએ અપનાવવાની હોય છે.”

બીજી અરજી કેમ કરવી પડી?: અરજદાર પક્ષ તરફથી કોર્ટનું ધ્યાન દોરવામાં આવ્યું હતું કે, અગાઉ વર્ષ ૨૦૨૧ માં પણ તેઓ કોર્ટમાંથી આદેશ મેળવવામાં સફળ રહ્યા હતા. પરંતુ, તેની યોગ્ય અમલવારી નહીં થવાને કારણે તેમને ફરીથી હાઈકોર્ટમાં અરજી કરવાની ફરજ પડી હતી.

મોટો લાભ: હવે આ નવા અને કડક ઠરાવના અમલથી ગુજરાતના હજારો પૂર્વ સૈનિકોને રોજગારી ક્ષેત્રે મોટો અને ન્યાયી લાભ મળશે.