કોકરોચ જનતા પાર્ટીની સરકારને કડી ચેતવણી

“જ્યારે વચનોની સ્યાઈ હજુ સૂકાઈ પણ નથી, ત્યાં ન્યાયના કાગળો પર સવાલોના કાળા ડાઘ લાગવા લાગ્યા છે!” ડેમેાક્રેસીમાં આંદોલન અને વાણી સ્વાતંત્ર્યના અધિકાર પર ફરી એકવાર ઘા થતો હોય તેવી પ્રતીતિ થઈ રહી છે. સરકાર સાથેના અગાઉના લેખિત કે મૌખિક કરારના પાલનને લઈને રાજકારણ ગરમાયું છે. વિદ્યાર્થીઓના હિતમાં અવાજ ઉઠાવનાર કોકરોચ જનતા પાર્ટી (CJP) એ હવે કેન્દ્ર સરકાર સામે રણશિંગુ ફૂંકી દીધું છે. વચનભંગના આક્ષેપો સાથે CJP એ સ્પષ્ટ સંકેત આપી દીધા છે કે જો યુવાનો સાથેનો વિશ્વાસઘાત બંધ નહીં થાય, તો આગામી દિવસોમાં દેશભરમાં ફરીથી આંદોલનનું વાવાઝોડું ફૂંકાશે.

કેન્દ્ર સરકાર સામે આક્રમક વલણ અપનાવતા કોકરોચ જનતા પાર્ટી (CJP) એ સરકારને ખુલ્લી ચેતવણી આપી છે. સંગઠનનું સૂર સ્પષ્ટ છે કે, આંદોલનકારીઓ વિરુદ્ધ કોઈપણ પ્રકારની પોલીસ કાર્યવાહી ન કરવા અંગે જે કરાર કરવામાં આવ્યા હતા, તેનો સરેઆમ ભંગ થઈ રહ્યો છે. જો સમયસર તમામ FIR પાછી ખેંચવામાં નહીં આવે અને અટકાયત કરાયેલા વિદ્યાર્થીઓને મુક્ત નહીં કરવામાં આવે, તો દેશવ્યાપી ધરણા પ્રદર્શન ફરીથી શરૂ કરવામાં આવશે.

આ પણ વાંચો: કાવડ યાત્રા: દિલ્હી – હરિદ્વાર હાઈવે પર તમામ વાહનોની અવરજવર પર પ્રતિબંધ

સોશિયલ મીડિયા પર મંત્રીઓને ટેગ કરી આક્રોશ

CJP ના રાષ્ટ્રીય પ્રવક્તા આશુતોષ રાંકા દ્વારા સોશિયલ મીડિયા પ્લેટફોર્મ ‘X’ પર કેન્દ્રીય મંત્રી જે.પી. નડ્ડા અને ડૉ. જિતેન્દ્ર સિંહને ટેગ કરીને એક કડક સંદેશ જારી કરવામાં આવ્યો છે. આ સંદેશ દ્વારા સરકારી તંત્રની કાર્યશૈલી પર ગંભીર સવાલો ઉઠાવવામાં આવ્યા છે.

બિહાર, બંગાળ અને દિલ્હીમાં કાર્યવાહીના ગંભીર આક્ષેપો

આશુતોષ રાંકાએ આક્ષેપ કરતા જણાવ્યું છે કે:

બિહાર અને બંગાળ: આ રાજ્યોમાં સબળ પુરાવાઓ વિના જ સેંકડો નિર્દોષ વિદ્યાર્થીઓની ધરપકડ કરવામાં આવી રહી છે.

દિલ્હી અને અન્ય રાજ્યો: અહીં પ્રદર્શનકારીઓ તેમજ તેમને નૈતિક કે અન્ય સહાય પૂરી પાડતા સ્વયંસેવકો પર પોલીસ અને તપાસ એજન્સીઓ દ્વારા સતત નજર રાખવામાં આવી રહી છે અને તેમને હેરાન કરવામાં આવી રહ્યા છે.

આ તમામ ઘટનાઓ અગાઉ સરકાર સાથે થયેલા કરારનું સ્પષ્ટ અને ગંભીર ઉલ્લંઘન છે.

CJP ની સરકાર સમક્ષ 3 મુખ્ય માંગણીઓ

પાર્ટીના મુખ્ય પ્રવક્તા સૌરવ દાસના જણાવ્યા અનુસાર, CJP એ કેન્દ્ર સરકારના એ આશ્વાસન અને વચન બાદ જ પોતાનું અગાઉનું આંદોલન પાછું ખેંચ્યું હતું કે કોઈ જ કડક કાર્યવાહી કરવામાં નહીં આવે. જો સરકાર દ્વારા આ કમિટમેન્ટ તોડવામાં આવશે, તો તેને દેશના લાખો યુવાનો સાથે સીધો વિશ્વાસઘાત ગણવામાં આવશે.

CJP એ સરકાર સમક્ષ નીચે મુજબની ૩ મુખ્ય માંગણીઓ મૂકી છે: