કેટલા રાજ્યોમાં ભારે વરસાદની આગાહી ?

હવામાન વિભાગે રવિવારે એવી આગાહી કરી હતી કે આગામી 24 કલાકમાં દેશના 25 રાજ્યોમાં ભારે વરસાદ થઈ શકે છે. જ્યારે દિલ્હીમાં રવિવારે ભારેથી અતિ ભારે વરસાદની આગાહી સાથે ઓરેન્જ એલર્ટ અપાયું હતું. અને શહેર માટે 2 જુલાઈ સુધી ‘ઓરેન્જ’ એલર્ટ જાહેર કર્યું હતું. . રાષ્ટ્રીય રાજધાનીમાં લઘુત્તમ તાપમાન 27 ડિગ્રી સેલ્સિયસ નોંધાયું હતું, જે આ સિઝનના સરેરાશ તાપમાન કરતાં 0.9 ડિગ્રી સેલ્સિયસ ઓછું છે. ભારતીય હવામાન વિભાગ એ જણાવ્યું કે સવારે 8.30 વાગ્યે ભેજનું સ્તર 78 ટકા નોંધાયું હતું.

આ રાજ્યોમાં ભારે વરસાદ થશે
હવામાન વિભાગના જણાવ્યા અનુસાર, ગુજરાત, હિમાચલ, હરિયાણા, મહારાષ્ટ્ર, ઝારખંડ, ઉત્તર પ્રદેશ, રાજસ્થાન, પંજાબ વગેરે સ્થળોએ ભારે વરસાદ પડી શકે છે. તે જ સમયે, નાગાલેન્ડ, મણિપુર અને ત્રિપુરામાં 3 જુલાઈ સુધી ભારે વરસાદની સંભાવના છે. કૂલ 25 રાજ્યોમાં મુશળ ધાર વરસાદની આગાહી કરાઇ હતી.

મંગળવાર સુધી વરસાદી વાતાવરણ રહેશે
હવામાન વિભાગે મંગળવાર સુધી સામાન્ય રીતે વાદળછાયું આકાશ અને ભારે વરસાદની આગાહી કરી છે. હવામાન સામાન્ય રીતે ચેતવણીના ચાર સ્તરો જારી કરે છે: ‘ગ્રીન’ (કોઈ કાર્યવાહીની જરૂર નથી), ‘પીળો’ (ચેતવણી અને જાણકાર બનો), ‘ઓરેન્જ’ (તૈયાર રહો) અને ‘રેડ’ (એક્શન લો).

જો કે રવિવારે પણ દિલ્હીમાં વરસાદ ચાલુ જ રહ્યો હતો અને શનિવારે ભારે વરસાદને પગલે કેટલીક દુર્ઘટનાઓ બની હતી જેમાં 5 લોકોના મૃત્યુ થયા હતા.