સ્માર્ટ સિટી એવોર્ડ: ઈંદોર ફરી પ્રથમ, સુરત બીજા ક્રમે
ઇંદૌરે ફરી એકવાર બાજી મારી લીધી છે અને સ્માર્ટ સિટીની સાત કેટેગરીમાં તેને પુરસ્કાર આપવામાં આવ્યા છે જ્યારે સ્માર્ટ સિટીની યાદીમાં બીજા ક્રમે ગુજરાતનું સુરત શહેર ચમક્યું છે અને ત્રીજા નંબરે ઉત્તરપ્રદેશનું આગ્રા શહેર રહ્યું છે.
આઘાતજનક હકીકત એ છે કે, વિકાસ તરફ હરણફાળ ભરી રહેલા રાજકોટ શહેરનો ટોપ લિસ્ટમાં ક્યાંય સમાવેશ નથી. સૌથી વધુ એવોર્ડ મેળવનારા રાજ્યોમાં મધ્યપ્રદેશ પ્રથમ સ્થાન પર રહ્યું છે. કેન્દ્રીય મંત્રી હરદીપસિંઘ પૂરી બેસ્ટ સ્ટેટ એવોર્ડ મળવા પર મધ્યપ્રદેશને શુભકામના પણ આપી હતી.
ભોપાલ શહેરને હેરિટેજ બિલ્ડિંગના જીર્ણોધ્ધાર માટે પુરસ્કાર આપવામાં આવ્યો છે. તેવી જ રીતે ગ્વાલિયર અને સાગર શહેરોને પણ એવોર્ડ મળ્યા છે. નદીઓને સાફ કરવા વાયુ પ્રદૂષણ ઘટાડવા અને કચરામાંથી સીએનજી ગેસ બનાવવા જેવા ઈંદોરમાં થયેલા કાર્યોને કારણે બધા પુરસ્કાર અપાય છે.