ફિલ્મ સેન્સર બોર્ડમાં મોટા ફેરફાર

પંકજ ત્રિપાઠી અને પ્રીતિ ઝિન્ટા સહિત 18 નવા સભ્યોની નિમણૂક

વોઇસ ઓફ ડે । નવી દિલ્હી

કેન્દ્રીય માહિતી અને પ્રસારણ મંત્રાલયે સેન્ટ્રલ બોર્ડ ઓફ ફિલ્મ સર્ટિફિકેશન (સીબીએફસી)ની પુનરચના કરી છે. આ નવા બોર્ડમાં અભિનેતા પંકજ ત્રિપાઠી, અભિનેત્રી પ્રીતિ ઝિન્ટા અને સુનીલ શેટ્ટી સહિત 18 સભ્યોની નિમણૂક કરવામાં આવી છે. આ નિમણૂકો તાત્કાલિક અસરથી લાગુ થઈ છે અને ત્રણ વર્ષ માટે અથવા વધુ આદેશ ન આવે ત્યાં સુધી માન્ય રહેશે.

સીબીએફસીની છેલ્લી વખત પુનરચના 2017માં થઈ હતી. ત્યારબાદ સભ્યોની મુદત પૂરી થઈ ગયા છતાં નવી નિમણૂક ન થતાં જૂના સભ્યો જ કાર્યરત રહ્યા હતા. મંત્રાલયના અધિકારીએ જણાવ્યું કે પુનરચના લાંબા સમયથી બાકી હતી કારણ કે અગાઉના કેટલાક સભ્યો હવે સક્રિય નહોતા અને કેટલાકની મુદત પૂરી થઈ ગઈ હતી. નવા બોર્ડના અધ્યક્ષ તરીકે શશી શેખર વેમ્પતી જ કાર્યરત રહેશે. બોર્ડમાં ફિલ્મ, ટેલિવિઝન, સંગીત અને થિયેટર ક્ષેત્રના અનુભવી ચહેરાઓનો સમાવેશ કરવામાં આવ્યો છે. અગાઉના બોર્ડમાંથી માત્ર બે સભ્યો-થિયેટર ડિરેક્ટર વામન કેન્દ્રે અને લેખક રમેશ પટાંગેને જાળવી રાખવામાં આવ્યા છે.

આ પણ વાંચો : “UPI” નાના વેપારી અને વિતરકો ઉપર ખર્ચનો બોજો વધશે

નવા 18 સભ્યોની યાદી આ પ્રમાણે છે

1.વિનોદ અનુપમ

2.મનોજ જોશી

3.અભિષેક જૈન

4.રિકી કેજ (ગ્રેમી વિજેતા સંગીતકાર)

5.પ્રિયદર્શન (ફિલ્મ નિર્માતા)

6.સુનીલ શેટ્ટી

7.હંસરાજ હંસ

8.સુપ્રિયા યારલગડ્ડા

9.યતીન્દ્ર મિશ્રા

10.રૂપાલી ગાંગુલી

11.પ્રીતિ ઝિન્ટા

12.નીલા માધવ પંડા

13.પંકજ ત્રિપાઠી14.

14.પ્રસેનજીત ચેટર્જી

15.પલ્લવી જોશી

16.નિશિગંધા વાડ

17.વામન કેન્દ્રે

18.રમેશ પટાંગે