હૈયું હચમચાવતી ઘટના !! 1 વર્ષની માસૂમના રડવાના અવાજથી કંટાળીને ભાઈએ જ બહેનને મોતને ઘાટ ઉતારી

 
આપણે અનેક એવા કિસ્સા સાંભળીએ છીએ કે ગુસ્સામાં આવીને હત્યા કરી નાખી. ક્ષણભરના ગુસ્સાએ રૌદ્ર સ્વરૂપ ધારણ કર્યું આવી અનેક ઘટનાઓ પ્રકાશમાં આવતી જ હોય છે ત્યારે ત્યારે સુરતમાં એક હૈયું હચમચાવતી ઘટના સામે આવી છે જેમાં માસૂમના રડવાના અવાજથી કંટાળીને રક્ષા કરનાર ભાઈએ જ બહેનને મોતને ઘાટ ઉતારી હતી. એક વર્ષની માસૂમને મોઢે ઓસીકું દબાવીને હત્યા કરી હતી ત્યારે આ મામલે પોલીસ વધુ તપાસ હાથ ધરી છે.

મળતી વિગતો અનુસાર આ ઘટના સુરતના નાનપુરા વિસ્તારની છે જ્યાં માસીના ઘરે રહેતા 13 વર્ષના કિશોરે 1 વર્ષની માસિયાઇ બહેનની હત્યા કરી નાખતા ચકચાર મચી છે. બાળકી સતત રડતી હોવાથી કિશોરને ગુસ્સો આવ્યો હતો અને બાળકીની ગળું દબાવી હત્યા કરી હોવાનું સામે આવ્યું હતું. હાલ તો પોલીસે કિશોરની અટકાયત કરી મનુષ્ય વધનો ગુન્હો નોંધીને  વધુ તપાસ હાથ ધરી છે.

13 વર્ષના ભાઈએ કરી 1 વર્ષની બહેનની હત્યા !!

તબીબે મોત ગૂંગળામણથી મોત થયાનો રિપોર્ટ આપતા પોલીસ પણ ચોંકી ગઈ હતી. પરિવારે પૂછપરછ કરતા સામે આવ્યુ કે ગુસ્સામાં માસિયાઈ ભાઈએ બાળકીની હત્યા કર્યાની કબૂલાત કરી હતી. એક વર્ષીય બહેન સતત રડતી હોવાથી કંટાળીને હત્યા કરી હતી. જો કે પોલીસે અઠવાલાઈન્સ પોલીસે સાપરાધ માનવ વધનો ગુનો નોંધી કિશોરની અટકાયત કરી છે.

PM રિપોર્ટ આવતા કિશોરનો ભાંડો ફૂટ્યો

હકીકતમાં તેર વર્ષનો કિશોર લગભગ એક વર્ષ પહેલાં જ મુંબઈથી તેના માસીના ઘરે સુરત રહેવા આવ્યો હતો. માસીનો આખો પરિવાર હોસ્પિટલમાં કામ કરવા જતો હતો. ત્યારે 1 વર્ષની દીકરીને કિશોરને સોંપીને જતો. નાની દીકરી સતત રડતી રહેતી હોઈ માસિયાઈ ભાઈએ કંટાળીને તેની હત્યા કરી દીધી હતી. પરિવારજનોને બાળકી એકાએક મૃત હાલતમાં મળતા પોસ્ટમોર્ટમ કરાવાયું હતું. જેમાં ગુંગળામણથી મોત થયાનું સામે આવતા કિશોરની પૂછપરછ કરાઈ હતી. 13 વર્ષના ભાઈએ જ બહેનની હત્યા કર્યાનું સામે આવતા પરિવારજનોના પગ તળેથી જમીન સરકી ગઈ હતી.