ઠોકો તાલી : કપિલ શર્મા શોમાં નવજોત સિધ્ધુની વાપસી !!
કપિલ શર્માનો નવો શો ‘ધ ગ્રેટ ઈન્ડિયન કપિલ શો’ નેટફ્લિક્સ પર ઘણો ધૂમ મચાવી રહ્યો છે. આ શોની આ બીજી સીઝન છે અને તેને દર્શકોનો ઘણો પ્રેમ મળી રહ્યો છે.જજ તરીકે અર્ચના પુરણ સિંહ તેની ખુરશી પર બેસીને જોરથી હસતી જોવા મળે છે. પરંતુ સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેમાં નવજોત સિંહ સિદ્ધુ તેની ખુરશી પર બેઠેલા જોવા મળી રહ્યા છે.
‘ધ ગ્રેટ ઈન્ડિયન કપિલ શો’ નો આ વીડિયો સોશિયલ મીડિયા પર વાયરલ થયા બાદ ચાહકો એ જાણવા માટે ઉત્સુક છે કે શું નવજોત સિંહ સિદ્ધુ ખરેખર 5 વર્ષના લાંબા બ્રેક બાદ શોમાં પરત ફર્યા છે. આ દરમિયાન નવજોત સિંહ સિદ્ધુ ફરી એકવાર તેમની શાયરી સંભળાવતા અને હસતા જોવા મળે છે. વાયરલ વીડિયોમાં જોઈ શકાય છે કે સિદ્ધુ જજની ખુરશી પર બેઠેલા જોવા મળી રહ્યા છે, જેના માટે કપિલ શર્મા પણ પોતાની ખુશી વ્યક્ત કરતા જોવા મળી રહ્યા છે. દરમિયાન, અર્ચના પાછળથી આવે છે અને કપિલને કહે છે કે તેને તેની ખુરશી પાછી જોઈએ છે.
વીડિયોમાં અર્ચના પુરણ સિંહ કપિલને કહે છે કે સરદાર સાહેબને કહી દે મારી ખુરશી છોડી દે. પહેલા તો કપિલ શર્મા પણ શોની ખુરશી પર નવજોત સિંહ સિદ્ધુને જોઈને ચોંકી જાય છે. તેમને લાગે છે કે સિદ્ધુનો મેક-અપ કોઈએ કર્યો છે, પરંતુ પછી તેમને ખબર પડી કે તે વાસ્તવમાં નવજોત છે. વાસ્તવમાં, તે શોમાં જજ તરીકે નહીં પરંતુ તેની પત્ની સાથે ગેસ્ટ તરીકે આવ્યા હતા. નવજોત સિંહ સિદ્ધુ અને તેની પત્નીની સાથે ક્રિકેટર હરભજન સિંહ અને તેની પત્ની ગીતા બસરા પણ આ શોમાં ગેસ્ટ તરીકે જોવા મળ્યા હતા. બધાએ સેટ પર ખૂબ જ મસ્તી કરી હતી.
આ પછી હરભજન સિંહ વીડિયોમાં કહે છે કે નવજોત સિંહ સિદ્ધુનું સ્થાન કોઈ લઈ શકે નહીં. કોમેડિયન સુનીલ ગ્રોવર પણ સિદ્ધુ જેવા પોશાક પહેરીને શોમાં આવ્યો હતો, જેણે સેટ પર મસ્તી કરી હતો. આ પ્રોમો વાયરલ થયા બાદ ચાહકો આ એપિસોડ જોવા માટે ખૂબ જ ઉત્સાહિત થઈ ગયા છે. વર્ષ 2019માં અર્ચના પુરણ સિંહે શોમાં નવજોત સિંહ સિદ્ધુની જગ્યા લીધી હતી. નવજોતસિંહ સિદ્ધુએ લગભગ 7 વર્ષ સુધી કપિલ શર્માના શોમાં જજની ભૂમિકા ભજવી હતી. તે 2013 થી 2019 દરમીયાન શોમાં જોવા મળ્યો હતો.
