સેમસંગે લોન્ચ કર્યા AI ગ્લાસીસ, હવે હાથમાં ફોન નહીં, આંખ પર જ ટેકનોલોજી
ટેકનોલોજી હવે ખિસ્સામાંથી નીકળીને સીધી આંખ પર આવી ગઈ. સેમસંગે ‘ગેલેક્સી અનપેક્ડ’ ઇવેન્ટમાં પોતાના સૌપ્રથમ AI સ્માર્ટ ગ્લાસીસ લોન્ચ કરીને ભવિષ્યનું વિઝન બતાવી દીધું. દેખાવમાં બિલકુલ સામાન્ય ચશ્મા જેવા લાગતા આ ડિવાઇસની અંદર સુપર કમ્પ્યુટર જેવી તાકાત છે. Googleના Android XR પ્લેટફોર્મ અને Gemini AI ના સપોર્ટ સાથે આવતા આ ગ્લાસીસ હવે નેવિગેશનથી લઈને રિયલ-ટાઇમ ટ્રાન્સલેશન સુધી બધું હેન્ડ્સ-ફ્રી કરી આપશે.
AI + સ્ટાઇલ = સેમસંગના સ્માર્ટ ગ્લાસીસ
સેમસંગે આ ગ્લાસીસને ફેશન અને ટેકનોલોજીના મિશ્રણ સાથે તૈયાર કર્યા છે. પ્રખ્યાત આઇવેઅર બ્રાન્ડ્સ ‘Gentle Monster’ અને ‘Warby Parker’ સાથેના સહયોગથી બનેલા આ ગ્લાસીસ રોજિંદા ઉપયોગ માટે પરફેક્ટ છે.
– Gentle Monster એડિશન: રાઉન્ડેડ એજીસ સાથે સ્લિમ બ્લેક ફ્રેમ, જે ક્લાસિક અને પ્રોફેશનલ લુક આપે છે.
– Warby Parker એડિશન: અપસ્વેપ્ટ બ્રો લાઇન વાળી આકર્ષક બ્રાઉન ફ્રેમ, જે રોજિંદા વપરાશ માટે આદર્શ છે.
આ પણ વાંચો: વરસાદનો એક રાઉન્ડ પૂરો થાય તે પહેલાં બીજાની તૈયારી, 7 જિલ્લામાં રેડ એલર્ટ
અંદર છે Snapdragon AR1 Gen 1 અને 9 કલાકની બેટરી
દેખાવમાં સાદા લાગતા હોવા છતાં આ ગ્લાસીસમાં ક્વાલકોમનું ખાસ ‘Snapdragon AR1 Gen 1’ પ્રોસેસર આપવામાં આવ્યું છે, જે AR ડિવાઇસ માટે ઓપ્ટિમાઇઝ્ડ છે. સિંગલ ચાર્જ પર 9 કલાક સુધીનો બેકઅપ મળે છે. સાથે એક ખાસ ચાર્જિંગ કેસ પણ આવે છે જે ચશ્માને 7 વખત સુધી ફુલ ચાર્જ કરી શકે છે, એટલે લાંબી મુસાફરીમાં પણ ચિંતા નહીં.
Gemini AI થી પાવર્ડ સુપર ફીચર્સ
Googleના Android XR પ્લેટફોર્મ પર ચાલતા આ ગ્લાસીસ Gemini AI સપોર્ટ સાથે આવે છે. વોઇસ કમાન્ડ, જેસ્ચર્સ અને વિઝ્યુઅલ ઇનપુટથી તે કોન્ટેક્સ્ટ સમજીને મદ કરે છે.
– રિયલ-ટાઇમ ટ્રાન્સલેશન: વાતચીત દરમિયાન જ લાઈવ ભાષાનો અનુવાદ કરી આપે છે.
– સ્માર્ટ નેવિગેશન: ફોન કાઢ્યા વિના આસપાસના એરિયા સ્કેન કરીને રસ્તો બતાવે છે.
– વિઝ્યુઅલ આસિસ્ટન્સ: ઇન-બિલ્ટ કેમેરા જે જુઓ છો તેને સમજીને તરત માહિતી આપે છે.
– સ્માર્ટ નોટ્સ: વ્હાઇટબોર્ડ કે મીટિંગ નોટ્સને કેપ્ચર કરી સીધા Samsung Notes માં સેવ કરી દે છે.
– મેસેજ સમરી અને નોટિફિકેશન: લાંબા મેસેજ ટૂંકમાં સમજાવે અને મહત્ત્વના નોટિફિકેશન મોટેથી વાંચી સંભળાવે.
સેમસંગના આ AI ગ્લાસીસ સ્માર્ટફોનથી આગળનું પગલું છે. હવે યુઝર્સને માહિતી માટે સ્ક્રીન પર નજર કરવાની જરૂર નહીં, બસ ચશ્મા પહેરો અને દુનિયા સાથે કનેક્ટ રહો.
