વૈભવની ટીમ ઇન્ડીયામાં એન્ટ્રી: ટી-૨૦માં હવે શ્રેયસયુગ શરૂ

એશિયન ગેમ્સ, આયર્લેન્ડ-ઇંગ્લેન્ડ પ્રવાસ માટે ભારતીય ટીમની જાહેરાત

ટી-૨૦ વર્લ્ડ કપ ચેમ્પિયન ટીમના કેપ્ટન સૂર્યકુમારને સ્થાન પણ ના મળ્યું

ભારતીય ક્રિકેટ કંટ્રોલ બોર્ડ (બીસીસીઆઈ)એ જૂનમાં આયર્લેન્ડ અને જુલાઈમાં ઇંગ્લેન્ડના પ્રવાસ માટે ભારતીય ટી-૨૦ ટીમની જાહેરાત કરી છે. જેમાં ઘણા આશ્ચર્યજનક નિર્ણયો લેવામાં આવ્યા છે. આ સાથે જ ટી-૨૦, ફોર્મેટમાં શ્રેયસ અય્યર યુગનો પ્રારંભ થયો છે તો ટી-૨૦ ક્રિકેટની સનસની વૈભવ સૂર્યવંશીને પણ ટીમમાં જગ્યા અપાઈ છે.

સૌથી આશ્ચર્યજનક નિર્ણય સૂર્યકુમાર યાદવને લઈને લેવાયો છે. સૂર્યાને ભારતીય ટીમમાંથી જ બહાર કરવામાં આવ્યો છે.

આ પણ વાંચો: અમેરિકાએ ફરીવાર શું લીધું ભારત વિરોધી પગલું ?

બિહારનો વૈભવ સૂર્યવંશી, જેણે આઇપીએલ અને અંડર-1૧૯ સ્તરે માત્ર ૧૫ વર્ષની ઉંમરે રનનો પહાડ બનાવ્યો છે, તેને ભારતીય સિનિયર ટી-૨૦ ટીમ માટે પસંદ કરવામાં આવ્યો છે.

બીસીસીઆઈએ ફક્ત આયર્લેન્ડ અને ઈંગ્લેન્ડના પ્રવાસ માટે જ નહીં પરંતુ આ વર્ષના અંતમાં જાપાનમાં યોજાનારી ૨૦૨૬ની એશિયન ગેમ્સ માટે પણ ટીમની જાહેરાત કરી છે. ગત સીઝનમાં રૂતુરાજ ગાયકવાડની આગેવાની હેઠળની ભારતીય ટીમે ચીનમાં યોજાયેલી એશિયન ગેમ્સમાં ગોલ્ડ મેડલ જીત્યો હતો.

આયર્લેન્ડ-ઈંગ્લેન્ડ પ્રવાસ માટે ટીમ ઈન્ડિયા

શ્રેયસ અય્યર (કેપ્ટન), તિલક વર્મા, અભિષેક શર્મા, વૈભવ સૂર્યવંશી, સંજુ સેમસન, ઈશાન કિશન, શિવમ દુબે, નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, મોહમ્મદ સિરાજ, હર્ષિત રાણા, અર્શદીપ સિંહ, પ્રિન્સ યાદવ.

એશિયન ગેમ્સ માટે ટીમ ઈન્ડિયા

શ્રેયસ ઐયર (કેપ્ટન), તિલક વર્મા, અભિષેક શર્મા, વૈભવ સૂર્યવંશી, સંજુ સેમસન, ઈશાન કિશન, શિવમ દુબે, નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, હર્ષિત રાણા, અર્શદીપ સિંહ, જસપ્રિત બુમરાહ