અખાત્રીજ “શુકન” સાચવવું પડશે મોંઘું : સોનુ ઐતિહાસિક સપાટીએ : 1,00,000 ને પાર

લગ્નગાળો શરૂ થઈ ગયો છે ત્યારે સોનાના ભાવમાં પણ જબરજસ્ત ઉછાળો આવ્યો છે. લગ્નપ્રસંગમાં સોનાની ખરીદીને વધુ મહત્વ આપવામાં આવતું હોય છે ત્યારે આ વર્ષે સોનાની ખરીદી વધુ જ મોંઘી પડશે તેવું લાગી રહ્યું છે. સોનુ સર્વોચ્ચ સપાટીએ પહોંચ્યું છે. સોનાએ 1,00,000ની સપાટી પાર કરી છે. 3 મહિનામાં 20,000 રૂ.વધારો થયો છે. ત્યારે અખાત્રીજે “શુકન” સાચવવું લોકોને મોંઘું પડશે તેવું લાગી રહ્યું છે.

શા માટે વધી રહ્યા છે સોનાના ભાવ ?

અમેરિકાના રાષ્ટ્રપતિ ડોનાલ્ડ ટ્રમ્પે ટેરિફ પર 90 દિવસનો પ્રતિબંધ લાદ્યો છે. જોકે, તે સંપૂર્ણપણે નાબૂદ થયું નથી. તે જ સમયે, ચીન અને અમેરિકા વચ્ચેના ટેરિફ યુદ્ધને કારણે વૈશ્વિક ચિંતાઓ વધી ગઈ છે. જેના કારણે રોકાણકારો સુરક્ષિત રોકાણ એટલે કે સોના તરફ વળી રહ્યા છે.

21 એપ્રિલએ સોનાના ભાવ ઓલ ટાઈમ હાઈ થઈ ગયો અને 10 ગ્રામ સોનાનો ભાવ 1,00,050 એ માર્કેટ બન્ધ થયું હતું.100 ગ્રામ સોનુ 10 લાખએ પહોંચી ગયું છે.હવે સામાન્ય અને મધ્યમવર્ગ પરિવારને સોનુ ખરીદવું સપનું બની રહ્યું છે.પીળી ધાતુમાં નવી તેજીનો દોર શરૂ થયો છે.એક જ દિવસમાં 51 ડોલરનો ઉછાળો આવતાં 3500 ડોલરએ આવી ગયો છે.

4 મહિનામાં સોનામાં 25%ના વધારા સાથે  ₹20,000 અને ચાંદીમાં 6800 હજાર નો વધારો નોંધાયો છે. જાન્યુઆરીમાં 10 ગ્રામ સોનાનો ભાવ 78,500 હતો. અમેરિકાએ ચીન પર આયાત ડ્યુટી વધારીને 245 ટકા કરવાની જાહેરાત પોતાની સાથે જ ડોલર ત્રણ વર્ષની સૌથી નીચી સપાટીએ પહોંચ્યો છે.

આ બંને દેશ વચ્ચે ટ્રેડવોરના પગલે અનિશ્ચિતતાઓ ઊભી થઈ છે તો ડોલર એપ્રિલ 2022 પછીની સૌથી નીચી સપાટીએ આવી જતા અને વિશ્વની મધ્યસ્થ બેન્કોમાં વધી રહેલી સોનાની માંગના લીધે દિવસે ને દિવસે સોનુ સળગી રહ્યું છે. 24 કેરેટના 10 ગ્રામના 1,00,050 અને 22 કેરેટનો 89,320 ભાવ નોંધાયો છે