માધવી પૂરી બુચે કઈ ખોટું કર્યું નથી
કેન્દ્ર સરકારે સેબીના વડાને આપી ક્લીનચિટ; હીંડનબર્ગના અહેવાલો ખોટા; કોંગ્રેસે પણ ગંભીર આરોપો મૂક્યા હતા; તપાસમાં કઈ મળ્યું નથી
સરકારે સેબી (સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા)ના ચેરપર્સન માધવી પુરી બુચને મંગળવારે ક્લીનચીટ આપી દીધી હતી. રિપોર્ટ અનુસાર માધબી પુરી બૂચ સામેના આરોપોની તપાસમાં કંઈ પણ વાંધાજનક મળ્યું નથી. હવે તે ફેબ્રુઆરી 2025 માં તેમના કાર્યકાળના અંત સુધી આ પદ પર ચાલુ રહેશે.
સૂત્રોના જણાવ્યા અનુસાર, યુએસ શોર્ટ-સેલર હિંડનબર્ગ રિસર્ચ અને કોંગ્રેસ પાર્ટી દ્વારા સેબીના વડા સામે હિતોના સંઘર્ષ અને નાણાકીય અનિયમિતતાના મુદ્દા ઉઠાવતા ગંભીર આરોપો મૂકવામાં આવ્યા હતા. આ પછી, સરકારે આ આરોપોની તપાસ કરાવી, પરંતુ તપાસમાં કોઈ નક્કર પુરાવા મળ્યા નથી તેવો અહેવાલ આવ્યો હતો.
સેબીના વડા સામે આક્ષેપો
હિંડનબર્ગ રિસર્ચ દ્વારા બહાર પાડવામાં આવેલા એક અહેવાલમાં, અદાણી જૂથે બજાર નિયમનકાર સેબીના વડા માધાબી પુરી બુચ પર અનેક આક્ષેપો કર્યા હતા. હિંડનબર્ગે દાવો કર્યો હતો કે માધબી પુરી બુચ અને તેના પતિ ધવલ બુચે બર્મુડા અને મોરેશિયસ સ્થિત અઘોષિત ઓફશોર ફંડ્સમાં રોકાણ કર્યું હતું, જેનો ઉપયોગ વિનોદ અદાણી દ્વારા કથિત રીતે નાણાંની લોન્ડરિંગ કરવા અને જૂથ કંપનીઓના શેરના ભાવમાં વધારો કરવા માટે કરવામાં આવ્યો હતો. વિનોદ અદાણી અદાણી ગ્રુપના ચેરમેન ગૌતમ અદાણીના મોટા ભાઈ છે.
