વડાપ્રધાન મોદીના જન્મ દિને અજમેર શરીફમાં કેવી રીતે ઉજવણી થશે ? વાંચો

વડાપ્રધાન નરેન્દ્ર મોદીના 74માં જન્મદિવસની તૈયારીઓ શરૂ થઈ ગઈ છે. જન્મદિવસ નિમિત્તે અનેક સ્થળોએ વિવિધ કાર્યક્રમોનું આયોજન કરવામાં આવશે. દરમિયાન, અજમેર શરીફ દરગાહે જણાવ્યું છે કે વડા પ્રધાન નરેન્દ્ર મોદીના 74માં જન્મદિવસની ઉજવણી નિમિત્તે 17 સપ્ટેમ્બરે 4000 કિલો શાકાહારી “લંગર” ભોજન પીરસવામાં આવશે.

અજમેર શરીફ દરગાહના અધિકારીઓએ જણાવ્યું કે, અજમેર દરગાહ શરીફ ખાતેના ઐતિહાસિક અને વિશ્વ પ્રસિદ્ધ “બડી શાહીદેગ “નો ઉપયોગ ફરી એકવાર વડાપ્રધાન નરેન્દ્ર મોદીના જન્મદિવસ નિમિત્તે 4000 કિલો શાકાહારી “લંગર” ભોજન તૈયાર કરવા માટે કરવામાં આવશે.

આયોજિત કાર્યક્રમ
ગદ્દી નશીન-દરગાહ અજમેર શરીફ, સૈયદ અફશાન ચિશ્તીએ કહ્યું કે લોકોને શાકાહારી ભોજનનું વિતરણ કરવામાં આવશે. તેમણે કહ્યું કે જન્મદિવસ નિમિત્તે દેશના ધાર્મિક સ્થળો પર સેવાકીય કાર્યક્રમોનું આયોજન કરવામાં આવશે. વડાપ્રધાનના જન્મદિવસ નિમિત્તે અમે 4,000 કિલો શાકાહારી ખોરાક તૈયાર કરીશું, જેમાં ચોખા અને શુદ્ધ ઘી, ડ્રાયફ્રૂટ્સનો સમાવેશ થશે અને તેનું વિતરણ કરીશું. આ સાથે, આપણી આસપાસના ગરીબ લોકોની સેવા તરીકે લંગર પણ આપવામાં આવશે.

હજારો સેવકો જોડાશે
સૈયદ અફશાન ચિશ્તીએ કહ્યું કે અમે મોદીના જન્મદિવસ પર તેમના લાંબા આયુષ્ય માટે પણ પ્રાર્થના કરીશું. સમગ્ર લંગરનું આયોજન ભારતીય લઘુમતી ફાઉન્ડેશન અને અજમેર શરીફના ચિશ્તી ફાઉન્ડેશન દ્વારા કરવામાં આવી રહ્યું છે. હજારો સેવકો “કઢાઈ” પ્રગટાવવાથી લઈને ભોજન વિતરણ સુધીની સમગ્ર પ્રક્રિયામાં સામેલ છે. રાત્રે 10:30 કલાકે હઝરત ખ્વાજા મોઇનુદ્દીન ચિશ્તીની દરગાહની અંદર “બડી શાહી દેગ” ના લાઇટિંગ સાથે ઉજવણીની શરૂઆત થશે.

લોકોની સુખાકારીની પ્રાર્થના
દરગાહના અધિકારીઓએ જણાવ્યું હતું કે પ્રાર્થના “સેવા પખવાડા” ની સફળતા અને દેશના લોકોની સુખાકારી માટે આશીર્વાદ માંગશે. “દેગ” વિશ્વના સૌથી મોટા રસોઈ વાસણોમાંથી એક છે, જે 4000 કિલોગ્રામ સુધીનું ભોજન તૈયાર કરવામાં સક્ષમ છે, અને સદીઓથી ભક્તોને “લંગર” પીરસવા માટે ઉપયોગમાં લેવાય છે. રસોઈની પ્રક્રિયા દરમિયાન ભક્તો અને સ્વયંસેવકો પ્રાર્થના કરવા અને “કુરાનની કલમો”, “નાત” (ભક્તિ ગીતો) અને “માનકબત” વાંચવા માટે એકઠા થશે.