રાજકોટના લાપાસરી ગામે યુવતીની છેડતી કરી 2 શખસોએ માર માર્યો : યુવતી સારવાર હેઠળ,પોલીસે વધુ તપાસ હાથ ધરી

રાજકોટ શહેરના છેવાડે આવેલ લાપાસરી ગામે બાઈકમાં આવેલ બે શખસોએ યુવતીની છેડતી કરી હતી જેનો પ્રતિકાર કરતા આરોપીઓએ તેણીને ઢીકાપાટુનો માર મારી ઈજા પહોંચાડતા યુવતીને સારવાર અર્થે ખાનગી હોસ્પિટલમાં ખસેડવામાં આવી હતી. બનાવ અંગે આજીડેમ પોલીસે આરોપીઓ સામે ગુનો નોધી વધુ તપાસ હાથ ધરી છે.

આ પણ વાંચો : જો ફલાઇટ ફ્રિક્વન્સી વધે તો રાજકોટથી એરકાર્ગોનું ‘ગોલ્ડન કનેક્શન’: ડેઇલી 12 ટન જવેલરી મોકલાય છે હવાઈ માર્ગે


મળતી માહિતી મુજબ, મૂળ મહારાષ્ટ્રની વતની તેમજ લાપાસરી ગામે વાડીમાં રહીને મજૂરી કરતી 27 વર્ષીય પુજા સુભાષભાઈ કોડેકર નામની યુવતીએ આજીડેમ પોલીસ મથકમાં આરોપી કમલેશ ઉર્ફ નાયક તેમજ ભાવેશ ઉર્ફે કચ્છો સામે ફરિયાદ નોંધાવતા જણાવ્યું હતું કે, ગત તારીખ 27/8 ના રાત્રિના 11.30 વાગ્યા આસપાસ લાપાસરી રોડથી ઘર તરફ આવી રહી હતી તેવામાં રસ્તામાં એક બાઈક ઊભું હતું જેમાં બંને આરોપીઓ હતા. અચાનક આરોપીઓ તેનો પીછો કરવા લાગતા યુવતીએ ઘર તરફ દોડ મૂકી હતી ત્યારે આરોપીએ તેણીને રોકીને કહેલું કે “ચાલ મારી સાથે ઓરડી.” યુવતીએ ના પાડતાં બંને એકદમ ઉશ્કેરાઈ ગયા હતા અને ગાળો ભાંડીને તેણીને ઢીકાપાટુનો માર મારવા લાગેલ હતો.

આ પણ વાંચો : રાજકોટમાં નેશનલ સ્પાર્ટ્સ ડે ઉજવણીમાં જાણે ઘરની ધોરાજી ચાલી, ખરો મર્મ ભૂલાયો? જાણો શું છે મામલો

યુવતીની ચીસો સંભળાતા જ નજીક રહેતા પાડોશી દોડી આવતા આરોપીએ યુવતીને જાનથી મારી નાખવાની ધમકી આપી ત્યાંથી નાશી છૂટ્યા હતા. પાડોશીએ બંને શખસોને ઓળખી યુવતીને તેમનું નામ કહ્યું હતું ઘટનામાં ઈજા પામતા પૂજાને ખાનગી હોસ્પિટલમાં ખસેડવામાં આવી હતી અહીં પોલીસે નિવેદન લઈ આરોપીઓ સામે ગુનો નોંધ્યો છે.