સ્ટેન્ડિંગ કમિટી દ્વારા લેવાયો નિર્ણય, હવે કામો, કોન્ટ્રાક્ટરના બિલો અટવાશે નહીં
ક્યારેક ફાઇલો ટેબલ નીચેની સમજૂતિ કે ટકાવારીના વાંકે ટલ્લે ચડી જતી હોય તે હવે નહીં ચાલે: અધિકારીઓની પણ બનશે જવાબદારી
રાજકોટ મહાપાલિકામાં એક આમ તો નિયમ વિરૂધ્ધ છતાં ચાલી આવતી સિસ્ટમ હતી કે કામો, કાર્યક્રમો, કોન્ટ્રકાટના બિલો ક્યારેક તો મનઘડત સમયે સમય મર્યાદા ઓળંગીને મુકાતા આ જૂની સિસ્ટમને નવા શાસકોએ બ્રેક લગાવતો નિર્ણય કર્યો છે. હવેથી મહાપાલિકાના બિલો કામ પૂર્ણ થયાના બે માસના સમયગાળા અંદર જ સ્ટેન્ડિંગ કમિટીમાં મુકવા પડશે નહીં તો બિલો કમિટી દ્વારા નામંજૂર કરાશે. બિલો મોડા મુકાવા પાછળ જે તે વિભાગના સ્ટાફ સાથે અધિકારીઓની પણ જવાબદારી બનશે. ખુલાસા આપવા પડશે.
મહાપાલિકા દ્વારા યોજાતા કાર્યક્રમો તથા કોન્ટ્રાક્ટના બિલો સંબંધિત વિભાગો દ્વારા મહિનાઓ વિત્યા બાદ સ્ટેન્ડિંગ કમિટીમાં મંજૂરી અર્થે મુકવામાં આવે છે જેને લઈને બિલ ચૂકવણામાં સમય મર્યાદા વિતિ જતી હોય અને સરકારની નાણાકીય શિસ્ત માર્ગદર્શિકાનો પણ ભંગ છે. સમયસર ચૂકવણા ન થવાથી મહાપાલિકાની કાર્યપધ્ધતિ, વિશ્વનિયતા પર પણ પ્રશ્નો ઉપસ્થિત થતા હોય છે. આવા બધા કારણોસર સ્ટેન્ડિંગ કમિમટી ચેરમેનપરેશ પીપળિયાની અધ્યક્ષતામાં નિર્ણય લેવા છે કે મહાપાલિકા સંબંધી થતાં કાર્યક્રમો, કામોના બિલ કામો પૂર્ણ થયાના બે દિવસની અંદર સ્ટેન્ડિંગ કમિટીમાં મુકવા પડશે.
બે માસના સમય વિત્યા બાદ મુકવામાં આવેલા બિલ સ્ટેન્ડિંગ કમિટીમાં સ્વીકારવામાં આવશે નહીં અને બિલ ચૂકવણાને મંજૂર નહીં કરાય. નાણાકીય વર્ષના અંતિમ અને પ્રથમ માસમાં થતા કાર્યક્રમોના બિલ એક માસમાં જ મુકવા પડશે. જો કોઈ ખાસ કિસ્સામાં બિલ સમય મર્યાદામાં રજૂ ન થઈ શકે તો મોડું બિલ મુકવા બાબતેના જવાબદાર અધિકારીઓ, સ્ટાફ દ્વારા બિલ વિલંબ અંગેના ખુલાસાઓ સાથે બિલ મુકવા પડશે. અભ્યાસ બાદ જો સ્ટેન્ડિંગ કમિટીને યોગ્ય લાગશે તો બિલ બાબતે નિર્ણય લેવાશે.
નવા શાસકોના આ નિર્ણયથી કચેરી તથા જાણકારોમાં એવી ચર્ચા ચાલી છે કે હવે બિલ ફાઈલો કોઈને કોઈ કારણોસર બંધ રખાતી કે દબાવી રખાતી તે નહીં કરી શકે, માગ્યા મુજબની ટકાવારીના ખેલ ખતમ થશે?
