મુકેશ અંબાણીનો ધડાકો: ભારતનો સૌથી મોટો IPO આવી રહ્યો છે!
હ જોવાનો અંત! રિલાયન્સ ઇન્ડસ્ટ્રીઝની 49મી AGMમાં મુકેશ અંબાણીએ બજારને હચમચાવી દેનારો એલાન કર્યો. Jio IPOને બોર્ડની મંજૂરી મળી ગઈ છે અને આજે જ ડ્રાફ્ટ રેડ હેરિંગ પ્રોસ્પેક્ટસ DRHP સેબી પાસે ફાઈલ થવા જઈ રહ્યો છે. ₹20 લાખ કરોડના માર્કેટ કેપવાળી રિલાયન્સની સૌથી મોટી પેટાકંપની Jio હવે શેરબજારમાં લિસ્ટ થવા તૈયાર. નિષ્ણાતો કહે છે આ ભારતના ઈતિહાસનો સૌથી મોટો IPO બની શકે છે.
Jio IPOને મંજૂરી, 27 કરોડ શેરનો નવો ઈશ્યૂ
19 જૂન 2026ની AGMમાં મુકેશ અંબાણીએ જાહેરાત કરી કે Jio પ્લેટફોર્મ્સ લિમિટેડ JPLના બોર્ડે IPOને લીલી ઝંડી આપી દીધી છે. IPO 10 રૂપિયાના ફેસ વેલ્યુવાળા 27 કરોડ નવા ઇક્વિટી શેરના ઈશ્યૂ દ્વારા થશે. ઇશ્યૂ કિંમત SEBIના બુક બિલ્ડિંગ નિયમો મુજબ નક્કી થશે. આ IPO દ્વારા એકત્ર થનાર ફંડ, કંપનીનું વેલ્યુએશન અને અન્ય વિગતો DRHP ફાઈલ થયા બાદ સ્પષ્ટ થશે. આ પ્રોજેક્ટનું નેતૃત્વ ઈશા, આકાશ અને આનંદ અંબાણી કરશે.
આ પણ વાંચો: રાજ્ય સરકારનો વિદ્યાર્થીઓના શૈક્ષણિક હિતમાં મહત્વનો નિર્ણય
Jioનો 10 વર્ષનો બોલબાલા: 524 મિલિયન ગ્રાહકો
આકાશ અંબાણીએ જણાવ્યું કે માત્ર એક દાયકામાં Jioએ અભૂતપૂર્વ સિદ્ધિ મેળવી છે. Jioના ગ્રાહકોની સંખ્યા 524 મિલિયનને પાર કરી ગઈ છે અને તે ભારતની નંબર-1 ટેલિકોમ કંપની બની ગઈ છે. 5Gમાં પણ Jio ટોપ પર છે – 268 મિલિયન 5G યૂઝર્સ સાથે ચીન બાદ વિશ્વમાં બીજો સૌથી મોટો 5G બેઝ Jioનો જ છે. FY26માં 77 મિલિયન નવા યૂઝર્સ ઉમેરવાનો ટાર્ગેટ છે.
AI અને બેટરી પર પણ મોટી જાહેરાતો
મુકેશ અંબાણીએ કહ્યું કે ભારતે હવે માત્ર વિદેશી AI વાપરવાનું છોડીને પોતાનું AI બનાવવું પડશે. રિલાયન્સ “રિલાયન્સ ઈન્ટેલિજન્સ” દ્વારા આગામી 10 વર્ષમાં તમામ નાગરિકોને ખૂબ સસ્તા દરે AI ઈન્ફ્રાસ્ટ્રક્ચર આપવા તૈયારી કરી રહી છે. Jio યૂઝર્સ માટે સંપૂર્ણ વોઇસ-એક્ટિવેટેડ “Jio AI એજન્ટ” પણ લોન્ચ થઈ રહ્યો છે જે એપ વગર અને નંબર વગર કામ કરશે.
એનર્જી બિઝનેસમાં અનંત અંબાણીએ કહ્યું કે રિલાયન્સની પ્રથમ બેટરી ગીગા ફેક્ટરીનો પહેલો તબક્કો આ વર્ષે શરૂ થશે. મશીનરી આવી ગઈ છે અને ક્ષમતા વાર્ષિક 120 GWh સુધી વધારવાની યોજના છે. આ પછી રિલાયન્સ દુનિયાના સૌથી મોટા બેટરી ઉત્પાદકોમાં સામેલ થઈ જશે.
મુશ્કેલ સમયમાં પણ રિલાયન્સ મજબૂત
મુકેશ અંબાણીએ વૈશ્વિક કટોકટીનો ઉલ્લેખ કરતા કહ્યું કે “મુશ્કેલ સમય રોકાતો નથી, પણ મજબૂત રાષ્ટ્રો ટકી રહે છે”. FY26માં રિલાયન્સનો EBITDA ₹2,07,911 કરોડ રહ્યો, જેમાં રિટેલ અને ડિજિટલ બિઝનેસનો અડધાથી વધુ ફાળો છે. NSE નિફ્ટી 50માં ₹20,53,146 કરોડના માર્કેટ કેપ સાથે રિલાયન્સ હજુ પણ સૌથી મોટી કંપની છે.
Jioના લિસ્ટિંગથી ભારતની ટેક ક્ષમતા દુનિયાને દેખાડશે એમ કહીને મુકેશ અંબાણીએ ઈતિહાસ રચવાની તૈયારી કરી દીધી છે. હવે બધાની નજર SEBIમાં જમા થનારા DRHP પર છે.
