સોનામાં અને ચાંદીમાં ૨૦૦૦નો કડાકો: પાંચ દિવસથી ડોલર સામે રૂપિયો સ્થિર: ૯૪.૬૬ પર જોવા મળ્યો
અમેરિકા-ઈરાન વચ્ચે યુધ્ધની પ્રવાહી પરિસ્થિતિ અને ડીલની અનિશ્ચિતતાના કારણે બુલિયન માર્કેટમાં પણ ચડાઉ-ઉતાર જોવા મળી રહ્યા છે ત્યારે ગઈકાલે બજાર સુધર્યા બાદ આજે ઉઘડતી બજારે એમસીએક્સમાં સોના અને ચાંદીમાં ૨૦૦૦-૨૦૦૦નો કડાકો જોવા મળ્યો હતો.
બુલિયન માર્કેટમાં ભારે ઉથલ-પાથલ જોવા મળી રહી છે જેના કારણે રોકાણ માટે અતિ સેફ ગણાતા સોના અને ચાંદીમાંથી રોકાણકારો પૈસા પરત ખેંચી રહ્યા છે જેના કારણે સોનુ અને ચાંદી દિવસે ને દિવસે તૂટી રહ્યું છે.
રોકાણકારો પ્રોફિટબુકિંગ કરી સોના-ચાંદીમાંથી રોકાણ પરત ખેંચી રહ્યા છે અને બીજુબાજુ સોના-ચાંદીની ડિમાન્ડમાં પણ મોટો ઘટાડો જોવા મળી રહ્યો છે ત્યારે આજે વાયદા બજારમાં ફરી એક વખત સોના-ચાંદીમાં ગીરાવટ જોવા મળી છે.
આ પણ વાંચો: જંગલેશ્વર ડિમોલિશનમાં સ્ટાફે ૨૭ લાખના ભાવતા ભોજનીયા કર્યા, શાસકોએ બીલને મારી બ્રેક
આજે ઉઘડતી બજારે એમસીએક્સમાં સોનુ ૧,૪૪,૧૪૪ના લો સુધી જોવા મળ્યું હતું. જ્યારે સોનાએ ૧,૪૫,૪૮૦ હાઈ પર પહોંચ્યું હતું. હાજરમાં સોનુ ૨૦૦૦ના કડાકા સાથે ૧,૪૪,૭૬૬ પર કારોબાર કરતું જોવા મળ્યું છે. ગઈકાલે સોનાનો બંધ ભાવ ૧,૪૬,૫૨૯ જોવા મળ્યો હતો અને આજે ઉઘડતી બજારે ૨૦૦૦નો કડાકો બોલી ગયો છે.
જ્યારે ચાંદીમાં ૨૦૦૦નો કડાકો જોવા મળ્યો છે. ગઈકાલે વાયદા બજારમાં ચાંદી ૨,૨૫,૫૮૩ પર બંધ જોવા મળ્યા બાદ આજે ઉઘડતી બજારે ચાંદીમાં મંદી જોવા મળી હતી. ચાંદીએ ૨,૨૧,૬૫૮નો લો અને ૨,૨૭,૧૧૦નો હાઈ જોવા મળ્યો હતો. જ્યારે હાજર ભાવ ૨,૨૪,૧૮૯ જોવા મળ્યો હતો.
બીજીબાજુ છેલ્લા પાંચ દિવસથી ડોલર સામે રૂપિયો સ્થિર જોવા મળી રહ્યો છે. નાની-મોટી વધઘટ સાથે ડોલર સામે રૂપિયો ૯૪.૬૬ પર જોવા મળી રહ્યો છે.
