પરિવારને બંધક બનાવી તસ્કરોએ આપ્યો ચોરીને અંજામ : ફાયરની ટીમે કર્યું દિલધડક રેસ્ક્યુ
તમે ફિલ્મોમાં એવા દ્રશ્યો જોયા હશે કે ચોર પરિવારને બંધક બનાવીને ચોરી કરીને નાસી જતા હોય છે ત્યારે આવી સત્ય ઘટના સુરતમાં સામે આવી છે જેમાં તસ્કરોએ પરિવારને રૂમમાં બંધ કરીને ચોરીને અંજામ આપ્યો હતો અને પરિવારના સભ્યોને બંધક બનાવીને ઘરનો દરવાજો બહારથી બંધ કરીને ફરાર થઇ ગયા હતા ત્યારે આ મામલે ઘરના સભ્યો દ્વારા ફાયરબ્રિગેડની ટીમને જાણ કરતા ફાયરની ટીમ દ્વારા દિલધડક રેસ્ક્યુ કરવામાં આવ્યું હતું.
મળતી વિગતો અનુસાર આ ઘટના સુરતના ભાગળ બુંદેલાવાડની છે જ્યાં મોડી રાત્રીએ ઘરમાં તસ્કરો ચોરી કરવા પ્રવેશ્યા હતા અને ચોર દાગીના, રોકડ અને મોબાઈલ ચોરી પાંચ સભ્યોને બંધક બનાવીને પુરી તેનો તસ્કરો ફરાર થઈ ગયા હતા. .આ બનાવની જાણ ફાયર બ્રિગેડને કરવામાં આવતા ફાયર ઓફિસર સ્થળે ઘસી ગઈ હતી. ફાયર બ્રિગેડના જવાનોએ તમામને સહીસલામત બહાર કાઢ્યા હતા.
ફાયરની ટીમે બંધક બનાવેલા પરિવારનું દિલધડક રેસ્ક્યુ કર્યું હતું. ફાયરના જવાનોએ ત્રીજા માળ પરથી દોરી વડે બીજા માળે ઉતરી ઘરનો મુખ્ય દરવાજો ખોલ્યો હતો અને અંદર જઈ બેડરૂમનો દરવાજો ખોલી તમામને સહીસલામત બહાર કાઢ્યા હતા.પરિવારનું રેસ્ક્યુ કરતા ખબર પડી કે ઘરમાં ચોરી થઈ હતી. ત્યારે આ બનાવની જાણ થતા મહિધરપુરા પોલીસ પણ સ્થળ પર પહોંચી હતી અને ગુન્હો દાખલ કરીને તપાસ હાથ ધરી હતી.
