વડોદરા હાઈવે પર વિચિત્ર અકસ્માત : બે ટ્રક પલટી જતાં ત્રણ વાહનો કચડાયા, બેના કમકમાટીભર્યા મોત

વડોદરા

આજે વડોદરા હાલોલ રોડ ઉપર આવેલા વાઘોડિયાના જરોદ ગામ પાસે વિચિત્ર અકસ્માત સર્જાયો હતો. બે ટ્રકો પલટી મારી જતાં ત્રણ વાહનો દબાયા હતા. જેમાં બે લોકોના ઘટના સ્થળે જ મોત નીપજ્યા હતા. ઘટનાના પગલે પોલીસ સ્થળ ઉપર પહોંચીને આગળની કાર્યવાહી હાથ ધરી હતી.

અકસ્માતના પગલે સ્થાનિક લોકોના ટોળા એકઠાં થયા હતા. તેમજ પોલીસની ટીમ પણ ઘટના સ્થળે આવી પહોંચીને સ્થિતિ સંભાળી હતી.

પ્રાપ્ત માહિતી અનુસાર, આજે વહેલી સવારે સામાન ભરેલી લોડીંગ બે ટ્રકો વચ્ચે અકસ્માત સર્જાતા બંને ટ્રક પલટી ખાઇને 3 વાહનો ઉપર પડ્યા હતા. અને તેમાં રિક્ષા, ઇકો અને કાર દબાઇ ગઇ હતી. ત્રણેય વાહનોનો કચ્ચરઘાણ નિકળી ગયો હતો.