રાજકોટની વ્હોરા પરિણીતાને સાસરિયાનો ત્રાસ : દિયરે સાથે સૂવા દબાણ કર્યું તો સસરાએ…! વાંચો શું છે સમગ્ર મામલો
રાજકોટના ભગવતીપરામાં મોર્ડન સ્કૂલ પાછળ આવેલી માધવ રેસિડેન્સીમાં રહેતી વ્હોરા પરિણીતાએ પતિ તેમજ સાસરિયાઓ સામે શારીરિક-માનસિક ત્રાસની ફરિયાદ નોંધાવી હતી.
બતુલ હુસેનભાઈ આફ્રિકાવાલા (ઉ.વ.29)એ નોંધાવેલી ફરિયાદમાં જણાવ્યું કે તેના લગ્ન 2022માં હુસેન સાથે લગ્ન થયા હતા. લગ્ન બાદ પતિ આફ્રિકાના કોંગોમાં નોકરી કરતો હોય બતુલને પણ સાથે લઈ ગયો હતો. જો કે આફ્રિકામાં પતિ સામે ફરિયાદ થતાં ત્યાંની પોલીસે હુસેન અને બતુલની ધરપકડ કરી જેલમાં ધકેલી દીધા હતા. પોણા બે મહિના સુધી જેલમાં રહ્યા બાદ બતુલ રાજકોટ આવી હતી પરંતુ તબિયત સારી ન રહેતા તેના માતાના ઘેર રહેવા જતી રહી હતી.
આ પછી સાસરિયા સાથે સમાધાન થઈ જતા સસરાના ઘેર ગઈહતી પરંતુ ફરી ત્યાં ઝઘડો થતા માતાના ઘેર આવી ગઈ હતી. દરમિયાન સાસુ-સસરાએ ફોન કરીને બતુલને `તારા કારણે જ અમારા દીકરાને જેલમાં જવું પડ્યું છે’ કહી માથાકૂટ શરૂ કરી હતી.
આશ્ચર્યની વાત એ છે કે બતુલ જ્યારે તેના સાસરિયામાં રહેતી હતી ત્યારે દિયર સાથે સૂવા માટે દબાણ કરતો હતો. આટલું ઓછું હોય તેમ બતુલ તેના સસરા સાથે અમરેલી ખાતે ઘરવખરીનો સામાન લેવા ગઈ ત્યારે સસરાએ પણ જાતીય સતામણી કરી હતી. આ પછી પતિ આફ્રિકાની જેલમાંથી છૂટીને ઘેર આવ્યો તો તેણે પણ બતુલને ત્રાસ આપતા આખરે પતિ હુસેન આફ્રિકાવાલા, સસરા અસગર આફ્રિકાવાા, સાસુ રસિદા આફ્રિકાવાલા તેમજ દિયર અલીઅકબર આફ્રિકાવાલા વિરુદ્ધ બી-ડિવિઝન પોલીસ મથકમાં ફરિયાદ નોંધાવી હતી.
