23 જુલાઈ ગુરૂવારે નાગરિકોની ફરિયાદોનું ઓનલાઈન નિવારણ કરવામાં આવશે

ગાંધીનગર: તમારી સમસ્યા સીધી મુખ્યમંત્રી સુધી! દર મહિનાના ચોથા ગુરૂવારે યોજાતો રાજ્ય સરકારનો લોકપ્રિય કાર્યક્રમ ‘રાજ્ય સ્વાગત’ આ મહિને પણ યોજાવા જઈ રહ્યો છે. મુખ્યમંત્રી ભૂપેન્દ્ર પટેલની ઉપસ્થિતિમાં 23 જુલાઈ 2026, ગુરૂવારના રોજ નાગરિકોની રજૂઆતો અને ફરિયાદોનું ઓનલાઈન નિવારણ કરવામાં આવશે.

ક્યારે અને ક્યાં યોજાશે રાજ્ય સ્વાગત? 

વડાપ્રધાન નરેન્દ્ર મોદીની પ્રેરણાથી વર્ષ 2003થી શરૂ થયેલા આ જનફરિયાદ નિવારણ કાર્યક્રમ અંતર્ગત દર મહિનાના ચોથા ગુરૂવારે ‘રાજ્ય સ્વાગત’ યોજવામાં આવે છે.

જુલાઈ-2026નો રાજ્યકક્ષાનો સ્વાગત કાર્યક્રમ ગુરૂવાર, તા. 23 જુલાઈ 2026ના રોજ યોજાશે.

સ્થળ: મુખ્યમંત્રીનું જનસંપર્ક એકમ, સ્વર્ણિમ સંકુલ-2, ગાંધીનગર

આ પણ વાંચો: વડાપ્રધાન નરેન્દ્ર મોદીના ‘નેટ ઝીરો’ વિઝનની દિશામાં ગુજરાતે હાંસલ કરી સિદ્ધિ

રૂબરૂ રજૂઆતનો સમય 

જે નાગરિકો મુખ્યમંત્રી સમક્ષ સીધી રજૂઆત કરવા માંગે છે તેઓ તા. 23 જુલાઈના રોજ સવારે 8:00 થી 11:00 દરમિયાન સ્વર્ણિમ સંકુલ-2 ખાતે રૂબરૂ આવીને પોતાની અરજી/ફરિયાદ આપી શકશે.

મુખ્યમંત્રી સાંભળશે નાગરિકોની વાત 

રજૂઆતો સ્વીકાર્યા બાદ મુખ્યમંત્રી ભૂપેન્દ્ર પટેલ ગુરૂવારે બપોર બાદ આ રાજ્ય સ્વાગત કાર્યક્રમમાં પ્રત્યક્ષ ઉપસ્થિત રહેશે. તેઓ ઓનલાઈન માધ્યમથી આવેલી તમામ ફરિયાદો અને રજૂઆતો સાંભળશે અને સંબંધિત વિભાગોને તાત્કાલિક નિવારણ માટે સૂચનાઓ આપશે.

છેલ્લા 23 વર્ષથી ચાલી રહેલા આ કાર્યક્રમનો ઉદ્દેશ્ય નાગરિકો અને સરકાર વચ્ચે સીધો સંવાદ સ્થાપીને સમસ્યાઓનું ઝડપી નિરાકરણ લાવવાનો છે.