વોઇસ ઓફ ડે રાજકોટ
શહેરના જામનગર રોડ પર એકતા સોસાયટીમાંથી ત્યજી દેવાયેલી તાજી બાળકીનો ભ્રુણ મળી આવ્યું હતું. બનાવની જાણ થતા ગાંધીગ્રામ પોલીસ ઘટના સ્થળે દોડી જઈ બાળકીને પીએમ માટે ખસેડી તેને ત્યજી દેનાર માતાની શોધખોળ હાથ ધરી છે.
વિગત મુજબ જામનગર રોડ પર એકતા સોસાયટીમાં જલારામ હોટલ પાસે બંધ પડેલા અવાવરૂ મકાનની ગેલેરીમાં ગોદડીમાં વીંટાયેલી તાજી જન્મેલી બાળકી પડી હોવાની જાણ થતા સ્થાનિકો એકઠા થઇ ગયા હતા અને ૧૦૮ને જાણ કરતા ૧૦૮ના ઇએમટી દિવ્યાબેન બાડે દોડી જઇ તપાસી બાળકીને મૃત જાહેર કરી પોલીસને જાણ કરી હતી. ગાંધીગ્રામ પોલીસ મથકના પીએસઆઇ યુ.આર.ભટ્ટી દોડી જઈ જરૂરી કાર્યવાહી કરી મૃતદેહને ફોરેન્સીક પીએમ અર્થે સિવિલ હોસ્પીટલે ખસેડાયો હતો. પ્રાથમિક તપાસમાં મૃત બાળકી બે દિવસની હોય કોઈ અજાણી મહિલાએ જન્મ આપ્યા બાદ ત્યજી દીધી હોવાનું જાણવા મળ્યું હતું. આ અંગે ગાંધીગ્રામ પોલીસે બાળકીને ત્યજી દેનાર માતાની શોધખોળ હાથ ધરી છે.
