- જેતપુરનો બનાવ : પોલીસે કલ્યાણપુરના શખસ સામે ગુનો નોંધ્યો
વોઇસ ઓફ ડે રાજકોટ
જેતપુરના ઉદ્યોગનગર વિસ્તારમાં કલ્યાણપુર પંથકની 21 વર્ષીય યુવતીને નરાધમે જાનથી મારી નાખવાની ધમકી આપી અવાર નવાર દુષ્કર્મ આચરતા જેતપુર ઉદ્યોગનગર પોલીસે ગુનો નોંધી આરોપીની શોધખોળ હાથ ધરી હતી.
વિગત મુજબ જામનગરના કલ્યાણપુર પંથકમાં રહેતી 21 વર્ષીય યુવતીએ નોંધાવેલ ફરીયાદમાં આરોપી તરીકે કલ્યાણપુરના કાના કરમટાનું નામ આપતા જણાવ્યું હતું કે, આરોપી ગત તા.8-6ના કલ્યાણપુર પંથકમાંથી ફસાવીને જેતપુર લઈ આવ્યો હતો. જે બાદ તે યુવતીને ઉદ્યોગનગર વિસ્તારમાં લઈ જઈ યુવતીની મરજી વિરૂધ્ધ દુષ્કર્મ આચર્યું હતું. બાદ યુવતી પ્રતિકાર કરતાં નરાધમે તેણીને જાનથી મારી નાખવાની ધમકી આપી વારંવાર દુષ્કર્મ આચર્યું હતું. યુવતી આરોપીની ચુંગાલમાંથી નિકળી પોલીસ મથકે પહોંચી હતી અને પોતાની આપવીતી સંભળાવતા પોલીસે તાત્કાલીક ગુનો નોંધી પીએસઆઈ આર.એ. જાડેજા અને ટીમ દ્વારા કાનાની શોધખોળ કરવામાં આવી છે.
