ભરૂચમાં માનસિક યુવતીને પરિવારે બાથરૂમમાં બાંધીને રાખતા અભયમની ટીમે મૂકત કરાવી

વોઇસ ઓફ ડે ભરૂચ

ભરૂચ જિલ્લાના ઝઘડિયા તાલુકાના એક ગામમાં 22 વર્ષની યુવતીને પરિવાર બાથરૂમમાં બાંધીને રાખતા હોવાની જાણ સ્થાનિકોએ 181 મહીલા હેલ્પ લાઈનમાં કરતાં અભયમ રેસ્ક્યુ ટીમ ભરૂચ સ્થળ પર પહોંચી બાથરૂમમાં બાંધી રાખેલ યુવતીને મુક્ત કરાવી હતી.

ઝઘડિયા તાલુકાના એક ગામ માંથી સ્થાનિક વ્યક્તિની ફરિયાદ કરી હતી કે, ગામમાં એક માનસિક બીમાર યુવતીને બંધક બનાવી બાથરૂમમાં ઉપર છત નથી જેથી વરસાદના પાણીથી પલળી જતાં અને વીજળીના અવાજથી ડરેલી યુવતી બૂમો પાડે છે જેથી તેને મદદરૂપ બનવા અભયમને જાણ કરી હતી.અને દીકરી પ્રત્યે આવા અમાનવીય વ્યવહાર બદલ અભયમ દ્રારા પરિવારની પૂછપરછ કરતા તેઓએ જણાવેલ કે તેને અવારનવાર ખેંચ આવે આવતી હોવાથી તેને સ્થળ સ્થિતિનુ ભાન રહેતું નથી. જેથી તેને બાથરૂમમાં પુરી રાખી હતી. તેમ કહેતા રેસ્ક્યુ ટીમે પીડિતાના પિતાને ઠપકો આપી અને આવા અપરાધ બદલ સજા થઈ શકે તેનું ભાન કરાવ્યું હતું.જેથી પિતાએ ભૂલ બદલ માફી માગી હતી અને હવે પછી તેને કોઈ તકલીફ આપીશું નહિ તેની ખાત્રી આપી હતી.આમ અભયમ ટીમ બંધક બનેલી માનસિક બીમાર યુવતીને મૂકત કરાવી હતી.