ગૃહરાજ્યમંત્રી હર્ષ સંઘવીના પિતાનું નિધન : છેલ્લા કેટલાક સમયથી હતા બીમાર ; એક સાચા લોકસેવકની વિદાય

સુરત

ગૃહ રાજ્યમંત્રી હર્ષ સંઘવીના પિતા રમેશચંદ્ર સંઘવીનું 72 વર્ષે આજ રોજ દુઃખદ નિધન થયું હતું. છેલ્લા કેટલાક સમયથી તેઓ બીમાર હતા અને સારવાર દરમિયાન જ અંતિમ શ્વાસ લીધા હતા. શનિવારે સાંજે નીકળેલી તેમની સ્મશાનયાત્રામાં મોટી સંખ્યામાં જાહેર જીવનના અગ્રણીઓ જોડાયા હતા.

છેલ્લા ઘણા મહિનાઓથી તેમની તબિયત નરમ ગરમ રહેતી હતી. કોરોના કાળ પછી તેમને સારવાર માટે હૈદરાબાદ પણ ખસેડવામાં આવ્યા હતા. હમણાં તેમની તબિયત વધુ ખરાબ થતા છેલ્લા ત્રણ દિવસથી હર્ષ સંઘવીએ પોતાના તમામ કાર્યક્રમો રદ કરી દીધા હતા.

રમેશચંદ્ર સંઘવી રાષ્ટ્રપ્રેમી હતા. આ સાથે સાથે તેઓ લોકોની સેવા કરવામાં વધુ રસ રાખતા હતા. મૂળરૂપે હીરાના વ્યાપર સાથે જોડાલા હતા. જેથી કારખાનામાં કામ કરતા લોકો સાથે આત્મીયભર્યું વર્તન રાખતા અને હંમેશા કામદારોની પડખે ઉભા રહેતા હતા.