ગરબાની રમઝટ વચ્ચે પરીક્ષાનું ટેન્શન
વિદ્યાર્થીઓ-વાલીઓમાં નારાજગી, તારીખ બદલાવા માંગણી
ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડની ધો.૯થી ૧૨ની પ્રથમ સત્રાંતની પરીક્ષા નવરાત્રી પછી ૨૨ ઓક્ટોબરથી ૨ નવેમ્બર દરમિયાન લેવાશે. આ વર્ષે વિદ્યાર્થીઓ ગરબાની રમઝટ પરીક્ષાના માહોલ વચ્ચે માણી શકશે. શાળાકીય પ્રવૃત્તિત્તના કેલેન્ડર-૨૦૨૬ મુજબ ૨૨ ઓક્ટો.થી ૨ નવેમ્બર સુધી પરીક્ષાનું ટાઈમ ટેબલ આપવામાં આવ્યું છે. જો કે, આ વર્ષે તમામ પ્રવાહમાં ધો.૯થી ૧૨ની પ્રથમ પરીક્ષા નવરાત્રી પૂર્ણ થયાના તુરંત જ યોજવાનું જાહેર થતાં વિદ્યાર્થીઓ અને વાલીઓમાં નારાજગી જોવા મળી હતી.
નવરાત્રી રાજ્યનો પરંપરાગત ઉજવાતો તહેવાર છે. ગત વર્ષે નવરાત્રી પહેલાં જ પરીક્ષા પુરી કરી દેવાઈ હતી. જ્યારે ચાલુ વર્ષે નવરાત્રી પછી ગણતરીના દિવસોમાં પરીક્ષા શરૂ થશે, રાત્રીના તહેવારને લઈ યોગ્ય રીતે તૈયારીઓ વિદ્યાર્થીઓ કરી શકે છે આથી નવરાત્રીના ૧૦ દિવસ પહેલાં અને ૧૦ દિવસ પછી પરીક્ષા લેવાનું આયોજન થાય તેવી શિક્ષણમંત્રીને શિક્ષકોએ પણ રજૂઆતો કરી હતી. આ ઉપરાંત ધો.૯ અને ૧૧ની વાર્ષિક પરીક્ષાઓ પણ એપ્રિલ ૨૭ના વચ્ચે માર્ચમાં લેવાય તો ધો.૧૦ અને ૧૨ના નવા સત્ર માટે પૂર્વ તૈયારીઓ કરી શકે તેવી રજૂઆત પણ કરાઈ હતી.
