કોમનવેલ્થ ગેમ્સ 2026: ભારતીય ખેલાડીઓનો શાનદાર દેખાવ, ૩૯ મેડલ સાથે મેડલ ટેલીમાં ચોથું સ્થાન મેળવ્યું
સ્કોટલેન્ડના ગ્લાસગો ખાતે આયોજિત કોમનવેલ્થ ગેમ્સ 2026 માં ભારતીય ખેલાડીઓએ અદ્ભુત અને ઐતિહાસિક પ્રદર્શન કર્યું છે. કુસ્તી, બેડમિન્ટન અને હોકી જેવી પરંપરાગત રમતો આ વખતે રમતગમતના આ મહાકુંભનો ભાગ ન હોવા છતાં, ભારતીય એથ્લીટોએ બોક્સિંગ, વેઈટલિફ્ટિંગ, જુડો અને એથ્લેટિક્સમાં પોતાનું સર્વશ્રેષ્ઠ પ્રદર્શન આપીને દેશનું નામ રોશન કર્યું છે. ભારતે આ ગેમ્સમાં કુલ ૩૯ મેડલ (૧૩ ગોલ્ડ, ૧૭ સિલ્વર અને ૯ બ્રોન્ઝ) જીતીને મેડલ યાદીમાં વિશ્વમાં ચોથું સ્થાન હાંસલ કર્યું છે. ઓસ્ટ્રેલિયા, ઈંગ્લેન્ડ અને કેનેડા જ ભારતથી આગળ રહ્યા છે.
વિવિધ રમતોમાં ભારતનું પ્રદર્શન અને મેડલ વિજેતાઓ
બોક્સિંગ (કુલ ૧૦ મેડલ)
ભારતીય બોક્સરોએ રિંગમાં શાનદાર મુક્કાબાજી કરીને કુલ ૭ સુવર્ણ ચંદ્રકો સહિત કુલ ૧૦ મેડલ જીત્યા હતા.
ગોલ્ડ મેડલ વિજેતા મહિલાઓ: પ્રીતિ પવાર (૫૪ કિગ્રા), જેસ્મિન લાંબોરિયા (૫૭ કિગ્રા), સાક્ષી ચૌધરી (૫૧ કિગ્રા), અરુંધતી ચૌધરી (૭૦ કિગ્રા) અને પ્રિયા ઘંઘાસ (૬૦ કિગ્રા).
સિલ્વર મેડલ વિજેતા મહિલા: લવલીના બોરગોહેન (૭૫ કિગ્રા).
ગોલ્ડ મેડલ વિજેતા પુરુષો: સચિન સિવાચ (૬૦ કિગ્રા) અને અંકુશ (૭૦ કિગ્રા).
સિલ્વર મેડલ વિજેતા પુરુષો: જાદુમણિ સિંહ (૫૫ કિગ્રા) અને નરેન્દ્ર બેરવાલ (+૯૦ કિગ્રા).
વેટલિફ્ટિંગ (કુલ ૮ મેડલ)
ટોક્યો ઓલમ્પિક્સની મેડલ વિજેતા મીરાબાઈ ચાનૂએ મહિલાઓની ૪૮ કિગ્રા વર્ગમાં શાનદાર દેખાવ કરીને ભારત માટે પ્રથમ ગોલ્ડ મેડલ જીત્યો હતો.
સિલ્વર મેડલ વિજેતા: ઋષિકાંત સિંહ, રાજા મુથુપંડી, જ્ઞાનેશ્વરી યાદવ, વલ્લુરી અજય બાબુ, હરજિંદર કૌર અને લવપ્રીત સિંહ.
બ્રોન્ઝ મેડલ વિજેતા: બિંદ્યારાની દેવી.
જુડો (કુલ ૪ મેડલ)
કોમનવેલ્થ ગેમ્સના ઈતિહાસમાં ભારતે જુડોમાં પ્રથમ વખત ગોલ્ડ મેડલ જીતીને નવો ઈતિહાસ રચ્યો છે.
ગોલ્ડ મેડલ: અસ્મિતા ડે (મહિલા ૪૮ કિગ્રા) અને હર્ષ સિંઘ (પુરુષ ૬૦ કિગ્રા).
રજત (સિલ્વર) મેડલ: યામિની મૌર્ય.
કાંસ્ય (બ્રોન્ઝ) મેડલ: ઉન્નતિ શર્મા.
એથ્લેટિક્સ અને જેવલિન થ્રો
નીરજ ચોપરા: સ્ટાર જેવલિન થ્રોઅર નીરજ ચોપરાએ શાનદાર પ્રદર્શન કરીને સિલ્વર મેડલ મેળવ્યો, જ્યારે યશવીર સિંહે આ જ સ્પર્ધામાં બ્રોન્ઝ મેડલ જીત્યો.
ગુલવીર સિંહ: લાંબા અંતરના દોડવીર ગુલવીર સિંહે ૧૦,૦૦૦ મીટર દોડમાં સિલ્વર અને ૫,૦00 મીટર દોડમાં બ્રોન્ઝ એમ બે મેડલ જીતીને કમાલ કરી.
અન્ય મેડલ: પ્રવીણ ચિત્રવેલ (ટ્રિપલ જમ્પ – સિલ્વર), સેલ્વા પ્રભુ (ટ્રિપલ જમ્પ – બ્રોન્ઝ), મુરલી શ્રીશંકર (લોંગ જમ્પ – સિલ્વર) અને સર્વેશ કુશારે (હાઈ જમ્પ – સિલ્વર).
પેરા-એથ્લેટિક્સ
પેરા-એથ્લીટોએ પણ ભારતની ઝોળીમાં યાદગાર મેડલ્સ નાખ્યા હતા:
ગોલ્ડ મેડલ: સોમન રાણા (શોટ પુટ F57), શર્મિલા ધનખર (શોટ પુટ F57) અને દિલીપ મહાદુ ગાવિત (૧૦૦ મીટર T47).
સિલ્વર મેડલ: શુભમ જુયાલ અને મોહમ્મદ બાસિલ.
બ્રોન્ઝ મેડલ: ઝંડુ કુમાર (પેરા-પાવરલિફ્ટિંગ).
