- 4 કારમાં ઘસી આવી ગોંડલમાંથી યુવતીને ઉપાડી ગયા : ખાંભા પાસે પોલીસ જોઈ જતાં યુવતીને મૂકત કરી ગુનો નોંધ્યો
વોઇસ ઓફ ડે રાજકોટ
ગોડલના દેવડા ગામે પ્રેમલગ્ન કરનાર યુવતીનું માતા-પિતા સહિત ૧૫ શખ્સોએ સમાધાનના બહાને 4 કારમાં ઘસી આવી અપહરણ કરી લઇ જતા હતા ત્યારે ખાંભા પાસે પોલીસ જોઈ જતાં યુવતીને મૂકત કરાવી હતી અને તમામ સામે સુલતાનપુર પોલીસે ગુનો નોંધ્યો છે.
વિગતો મુજબ ગોંડલના દેવડા ગામે રહતી શાન્તીબેન મહેશભાઇ ગજેરા નામની યુવતી બે માસ પૂર્વે માતા-પિતાના મરજી વિરૂધ્ધ ભાગી ને પ્રેમ લગ્ન કર્યા હતા. જે મુદે સમાધાન કરવાનું કહી યુવતીના પિતા રમેશ સાવલીયા અને માતા રેખાબેન ત્રણ કાર લઇને આવ્યા હતા. જેમાં કિરણબેન સુલગીયા, વિનુ સાવલીયા, હરેશ સતાસીયા, કમળા સાવલીયા, દયા સાવલીયા, હસમુખ સાવલીયા, રમેશ જાદવ, ભરત કુંભાણી, ભરત કુંભાણી,હિતેષ સાવલીયા, મહેશ હીરપરા અને એક અજાણ્યો માણસ સહિતના લોકો બેઠા હતા.અને યુવતીના પતિ અને ઘરના સભ્યોને માર મારી યુવતીનું કારમાં અપહરણ કરીને લઇ ગયા હતા. એ દરમ્યાન ખાંભા પાસે પોલીસની ગાડી આવતા અપહરણનો ભાંડો ફુટતા યુવતીએ ખાંભા પોલીસ મથક સમગ્ર હકિકત જણાવી હતી અને બાદમાં સુલતાનપુર પોલીસે આ મામલે ગુનો નોંધી આરોપીને સકંજામાં લીધા છે.
