૧૮ પૈકી ૧૭ વોર્ડ ભાજપે જ કબજે કર્યા હતા: વોર્ડ નં.૧,૪,૮,૯,૧૮,૧૪માં આપ મતો ખેંચવામાં બીજા ક્રમે રહી હતી: કોંગ્રેસનો વોટ રેસિયો તૂટ્યો હતો: આ વખતે શું થશે તેનો મતદારો પર મદાર: ગત ટર્મમાં કેટલાક વોર્ડમાં જ્ઞાતિવાઇઝ ક્રોસ વોટિંગ થયું હતું
ગત ટર્મ ૨૦૨૧માં કોંગ્રેસને ૧૮ વોર્ડ પૈકી એક માત્ર ૧૫ નંબર વોર્ડ જ મળ્યો હોત. ચાર ઉમેદવાર વિજય બનતા આબરૂ રહી ગઈ હતી. જો કે વોર્ડ નં.૧૫માં કોંગ્રેસને એવી ખાસ કોઈ લીડ ન્હોતી મળી. ગત ટર્મના વોર્ડ નં.૧૫ના મતદાન આંકડાઓ મુજબ કોંગ્રેસને ૪૫૦૩૫ મત મળ્યા સામે ભાજપને ૩૬.૧૪૬ મત મળ્યા હતા. કોંગ્રેસ ૯૯૯૬ મતે વિજયી થઈ હતી. આ વોર્ડમાં આપને ૭૨૭૯ મત મળ્યા હતા. આપને જો થોડા વધુ મતો મળ્યા હોત તો પરિણામ કદાચ ઉલ્ટા-પુલ્ટા થઈ જાત.
રાજકોટમાં ઘટેલા એક લાખથી વધુ
મતદારો ક્યા પક્ષને નળશે કે ફળશે ?
રાજકોટમાં ગત ટર્મમાં ૨૦૨૧ની ચૂંટણી સમયે ૧૦,૯૩,૯૯૧ મતદારો હતા જે આ વખતે એસઆઈઆર બાદ ઘટીને ૯,૮૫,૯૫૨ થઈ ગયા છે. ૧,૦૮૦૩૭ મતદારો ઘટી ગયા જેમાં ૫૬,૯૧૫ પુરૂષ અને ૫૧૧૨૨ સ્ત્રી તથા અન્ય બેનો સમાવેશ થાય છે. ૧.૦૮ લાખ મતદારો ઘટી ગયા છે. આ ઘટેલા મતદારો હવે કોને નુકસાન કરે કે કોને ફાયદેમંદ રહેશે. જો મતદારો ઓછા થયા છે તો ભાજપની લીડ ઘટશે, કોંગ્રેસનો વોટ રેસિયો ઘટશે. આ મતદારો કોના ઘટ્યા ? ક્યા પક્ષને ફાયદો, કોને નુકસાન થશે ? તે પરિણામ બાદ દેખાશે.
સ્થાનિક સ્વરાજની ચૂંટણીનું બુધવારે ફોર્મ પરત ખેંચવાના આખરી દિવસે ચિત્ર સ્પષ્ટ થઈ ગયું છે. રાજકોટમાં આ વખતે ભાજપ, કોંગ્રેસના ૭૨ ઉમેદવારો છે જ્યારે આપના ચાર ઉમેદવારો ખડી પડ્યા છે. ગત ટર્મ ૨૦૨૧માં મહાપાલિકાની ચૂંટણીમાં આમ આદમી પાર્ટીએ ૧૮ વોર્ડમાંથી છ વોર્ડમાં તો મતો અંકે કરવામાં કોંગ્રેસની સાઈડ કાપી નાખી (બીજા ક્રમે રહી હતી.) હતી? કાક્રશ વોટિંગમાં વોર્ડ નં.૪માં આપને સારા મત મળ્યા હતા. અને કોંગ્રેસને આવી જ રીતે અન્ય વોર્ડમાં પણ ક્રોશ વોટિંગ થયું અથવા તો ભાજપ કે કોંગ્રેસના નારાજ વોટરો આપને ફળ્યા હતા. કોઇ બેઠક પર વિજેતા થઇ ન હતી પરંતુ ધણીખરી બેઠકના ગણિત બગાડી નાખ્યા હતા.
કોંગ્રેસની સાપેક્ષમાં નવી નવેલી આપની ગત ટર્મ ૨૦૨૧માં કોંગ્રેસનો વોટ રેસિયો તો ઘટ્યો પરંતુ ૧૮ વોર્ડમાંથી વોર્ડ નં.૧,૪,૮,૯ ૧૧ અને ૧૪માં છ વોર્ડમાં આપને કોંગ્રેસમાંથી પણ વધુ મતો મળતા આ છ વોર્ડમાં બીજા ક્રમે રહી હતી. આંકડાકીય જોઈએ તો ભલે છ વોર્ડમાં વોટ કોંગ્રેસથી વધ્યા પરંતુ જીતનો તો કોઈ અવકાશ જ ન્હોતો.
વોર્ડ નં.૧માં કોંગ્રેસને ૧૪૦૮૮ મત તો સામે આપ કોંગ્રેસથી ૭૩૩૩ મતો વધુ ખેંચી ૨૧,૪૨૧ મતો મેળવતા બીજા ક્રમે રહી હતી. જો કે બન્ને પક્ષના મતો ભેગા થાય તો પણ ભાજપને પહોંચી ન શકે તેટલા ૬૬,૩૨૫ મત ભાજપને મળ્યા હતા.
વોર્ડ નં.૪ રસાકસીભર્યો હતો જ્યાં ફાઈટ સીધી ભાજપ અને આપ વચ્ચે જ રહી હતી. ભાજપને ૪૯,૧૬૩ મત મળ્યા, બીજા ક્રમે આપને ૩૨,૦૪૪ મત અને ત્રીજા સ્થાને ૨૭,૩૯૧ મતો સાથે કોંગ્રેસ રહી હતી. આ વોર્ડમાં જો કોંગ્રેસ, આપ એક હોત તો આમ આદમી પાર્ટીની બેઠક હોત અથવા કોંગ્રેસનો વિજય થયો હોત. આપ, કોંગ્રેસના ૫૯,૪૩૫ ભેગા થયા હોત તો ભાજપથી ૧૦,૨૭૨ મતો વધુ મળ્યા ગણાત. આવી જ રીતે કોંગ્રેસના હાથમાંથી સરકી ગયેલા વોર્ડ નં.૧૬ની સ્થિતિ પર નજર કરીએ તો ભાજપને પાતળી બહુમતી ૨૭૭૦ મતની જ લીડ મળી હતી જેમાં એક મહિલા કોર્પોરેટર રૂચિતા જોશી તો માત્ર ૧૧ મતે જ જીત્યા હતા. આ વોર્ડમાં આપ ૧૮,૪૯૩ મત ખેંચી ગઈ હતી જેની સીધી અસર નુકસાન માનીએ તો કોંગ્રેસને અને ફાયદો ગણાય તો ભાજપને થયો કહી શકાય. આમ છતાં જો આ બન્ને વોર્ડમાં આપ ન હોત ને ભાજપને તે મતો પડ્યા હોત તો ભાજપની લીડ ઉંચી હોત તેમ માની શકાય.
અન્ય ચાર વોર્ડમાં વોર્ડ નં.૮માં આપને ૨૫,૪૨૨ મત તો સામે કોંગ્રેસને ૧૬,૧૮૦ મત મળ્યા હતા. વોર્ડ નં.૯માં આપને ૨૧,૬૫૪ અને કોંગ્રેસને ૨૧,૪૬૬ મત મળતા ૧૮૮ મત વધુ હોવાથી વોર્ડ નં.૯માં પણ આપ બીજા ક્રમે રહી હતી. વોર્ડ નં.૧૧માં આપને ૩૧,૪૧૨ તો કોંગ્રેસને ૨૬,૩૯૩ મત મળ્યા હતા. આમ, વોર્ડ નં.૧,૪,૮,૯,૧૧,૧૪માં આપનું કોંગ્રેસથી વધુ ગજ વાગ્યું અથવા તો આ છ વોર્ડમાં કોંગ્રેસનું પાસુ નબળું માની શકાય.
ધારાસભાની એક સીટ મળવાથી ગત વખત કરતાં આ વખતે આપનું ફાઉન્ડેન થોડું મજબૂત થયું હોય અને આપના રાષ્ટ્રીય નેતાઓને પણ વધુ રસરૂચિ ઉપજી હાય તેમ આવાગમન કરતાં રહે છે, જેને લઈને જો રાજકોટમાં આપનો વોટ રેસિસયો વધશે તો આ વખતે લડનાર આપ કોને પરિણામો પરથી દેખાશે. ગત વતના આંકડાઓમાં આપ ભલે તેમનું ફાઉન્ડેશન મજબૂત બનાવી રહી હોય પણ મતદાન રેસિયોમાં ભાજપ માટે વધુ ફાયદેમંદ બની રહે તેવું પણ બને.ગત ટર્મમાં કોંગ્રેસના વોર્ડ નં.૧ અને ૧૪ના બે ઉમેદવારો ખડી પડયા હતા. ૭૦ લડ્યા હતા. આ વખતે ૭૨એ ૭૨ ઉમેદવાર અકબંધ રહયા.
