ભારત-અફઘાનિસ્તાન ODI પહેલા વરસાદનું વિઘ્ન, શું 20 ઓવરની મેચ થશે કે રદ?

ધર્મશાલાના હિમાલયના ખોળામાં બેઠેલા ક્રિકેટ સ્ટેડિયમમાં આજે હાઇ-વોલ્ટેજ મુકાબલો થવાનો હતો. ભારત અને અફઘાનિસ્તાન વચ્ચેની પહેલી ODI માટે ચાહકોનો જુસ્સો આસમાને હતો. પણ મેચ શરૂ થાય તે પહેલા જ વરુણે વિઘ્ન નાખ્યું. ભારે વરસાદે પીચ અને આઉટફિલ્ડને ઢાંકી દીધા, ટોસ પણ લંબાયો. હવે આખા ક્રિકેટ જગતની નજર આકાશ અને અમ્પાયરો પર છે – મેચ પૂરી 50 ઓવરની થશે, DLSથી 20-25 ઓવરની થશે, કે પછી વરસાદને કારણે રદ જ કરવી પડશે?

ભારત-અફઘાનિસ્તાનની એકમાત્ર ઐતિહાસિક ટેસ્ટ બાદ હવે ODI સિરીઝનો પ્રારંભ ધર્મશાલાથી થવાનો હતો. પણ મેચના સમયથી જ વરસાદે દખલ કરી. મેદાન સંપૂર્ણપણે કવરથી ઢંકાયેલું છે અને ટોસ પણ નિર્ધારિત સમયે થઈ શક્યો નથી. ખેલાડીઓ ડ્રેસિંગ રૂમમાં અને ચાહકો સ્ટેન્ડમાં વરસાદ અટકવાની રાહ જોઈ રહ્યા છે.

AccuWeatherની આગાહી ચિંતા વધારે 

AccuWeatherના રિપોર્ટ મુજબ આજે ધર્મશાલામાં વરસાદની 80% શક્યતા છે. બપોરે 2થી 4 વાગ્યા વચ્ચે વરસાદ સૌથી વધુ રહેશે. રાત્રે 8 વાગ્યે ફરીથી હળવા ઝાપટા પડી શકે છે. આવી સ્થિતિમાં મેચ સમયસર શરૂ થવી મુશ્કેલ લાગી રહી છે.

આ પણ વાંચો: NDAની પહેલી 14 દીકરીઓ આર્મી-એરફોર્સની ઓફિસર બની, 746 કેડેટ્સે લીધા દેશના કદમ

ઓવર કપાશે કે મેચ રદ? DLSનો વિકલ્પ 

જો વરસાદ જલ્દી બંધ થાય તો ડકવર્થ-લુઇસ નિયમ મુજબ મેચની ઓવરો ઘટાડી શકાય છે. ચાહકોને 50 ઓવરને બદલે 20 કે 25 ઓવરની ટૂંકી અને રોમાંચક મેચ જોવા મળી શકે છે. પરંતુ જો મેદાન રમવા યોગ્ય ન બને અને વરસાદ સત રહે તો અમ્પાયર અને મેચ રેફરી મેચ રદ કરવાનો નિર્ણય લઈ શકે છે. ODI મેચ માટે બંને ટીમે ઓછામાં ઓછી 20-20 ઓવર રમવી જરૂરી છે, નહીંતર મેચ ‘નો રિઝલ્ટ’ જાહેર થાય.

હિટમેનની એન્ટ્રીની રાહ 

આ સિરીઝમાં ચાહકો ‘હિટમેન’ રોહિત શર્માને ભારતીય જર્સીમાં રમતા જોવા ઉત્સુક છે. કેપ્ટન શુભમન ગિલની કપ્તાની, શ્રેયસ અય્યર-કેએલ રાહુલની મિડલ ઓર્ડરની બેટિંગ અને અર્શદીપ સિંહની યોર્કર પર બધાની નજર છે. અફઘાનિસ્તાનના સ્પિનરો સામે ભારતીય બેટર્સ કેવું પ્રદર્શન કરે છે તે પણ જોવાલાયક રહેશે.

ભારતની સંભવિત પ્લેઇંગ 11 

શુભમન ગિલ (કપ્તાન)

રોહિત શર્મા

ઈશાન કિશન

શ્રેયસ અય્યર

કેએલ રાહુલ (વિકેટકીપર)

નીતીશ કુમાર રેડ્ડી

વોશિંગ્ટન સુંદર

કુલદીપ યાદવ

અર્શદીપ સિંહ

પ્રસિદ્ધ કૃષ્ણા

પ્રિન્સ યાદવ / ગુરનૂર સિંહ બ્રાર.