T20 વર્લ્ડ કપ જીત્યા બાદ કિંગ કોહલીએ બનાવ્યો વધુ એક રેકોર્ડ, સીડ-કીયારાને પાછળ છોડ્યા
2024નો T20 વર્લ્ડ કપ વિરાટ કોહલી માટે ખૂબ જ ખાસ હતો. ત્યારે હવે વિરાટ કોહલીએ હવે સિદ્ધાર્થ મલ્હોત્રા અને કિયારા અડવાણીનો મોટો રેકોર્ડ તોડી નાખ્યો છે. આ ક્રિકેટરે T20 વર્લ્ડ કપ 2024ની ટ્રોફી જીતીને મોટી જીત હાંસલ કરી છે. T20 વર્લ્ડ કપનો ખિતાબ જીત્યા બાદ અનુષ્કા શર્માના ક્રિકેટર પતિ વિરાટે જીતની તસવીર ઈન્સ્ટાગ્રામ પર પોસ્ટ કરી હતી. આ તસવીર હવે સત્તાવાર રીતે ક્રિકેટરની ભારતની સૌથી વધુ પસંદ કરાયેલી ઈન્સ્ટાગ્રામ પોસ્ટ બની ગઈ છે. આ રેકોર્ડ પહેલા બોલિવૂડ સ્ટાર કપલ કિયારા અડવાણી અને સિદ્ધાર્થ મલ્હોત્રાના નામે હતો.
સિડ-કિયારાના લગ્નની તસવીરોએ બનાવ્યો છે રેકોર્ડ
હકીકતમાં, જ્યારે સિદ્ધાર્થ મલ્હોત્રા અને કિયારા અડવાણીના લગ્ન થયા ત્યારે ચાહકો ખૂબ જ ખુશ હતા. લોકો આ કપલને એકસાથે જોવા માટે એટલા ઉત્સાહિત હતા કે તેમના લગ્નના ફોટા ભારતમાં સૌથી વધુ પસંદ કરાયેલ પોસ્ટ બની ગયા. આ પછી પણ બોલિવૂડમાં ઘણા લગ્ન થયા અને ઘણા કપલની તસવીરો વાયરલ થઈ પરંતુ આજ સુધી કોઈ સિડ -કિયારાનો રેકોર્ડ તોડી શક્યું નથી. ક્રિકેટર વિરાટ કોહલીએ હવે તે કરી બતાવ્યું જે બોલિવૂડની કોઈ સેલિબ્રિટી નથી કરી શકયા.
વિરાટે રેકોર્ડ તોડ્યો
T20 વર્લ્ડ કપ 2024 જીત્યા બાદ વિરાટ કોહલીએ પોતાના ઈન્સ્ટાગ્રામ હેન્ડલ પરથી કેટલીક તસવીરો શેર કરી છે. આમાં તે ટ્રોફી સાથે પોઝ આપતો જોવા મળ્યો હતો. વિરાટે ટીમ સાથે ટ્રોફી ઉપાડી હતી અને હવે તેની પોસ્ટ એટલી વાયરલ થઈ કે તેણે નવો રેકોર્ડ બનાવ્યો. દરેક ભારતીય જીતના આનંદમાં અને નિવૃત્તિના દુ:ખમાં જોડાયો. તેનો પુરાવો તેમની પોસ્ટમાં જોવા મળે છે. ખરેખર, હવે વિરાટની આ પોસ્ટ ભારતમાં સૌથી વધુ પસંદ કરાયેલ પોસ્ટ બની ગઈ છે. એટલે કે આ ક્રિકેટરે સિદ્ધાર્થ-કિયારાના લગ્નના ફોટાને પણ માત આપી દીધી છે.
બે પોસ્ટ વચ્ચે શું તફાવત છે?
તમને જણાવી દઈએ કે, કપલના લગ્નની તસવીરોને લગભગ 1 કરોડ 22 લાખ 13 હજાર 640 લોકોએ લાઈક કરી હતી. T20 વર્લ્ડ કપ 2024 જીત્યા બાદ વિરાટ કોહલીએ શેર કરેલી પોસ્ટને 1 કરોડ 87 લાખ 13 હજાર 803 લોકોએ લાઈક કરી છે. આ સાથે, તેની પોસ્ટ હવે ભારતમાં સૌથી વધુ પસંદ કરાયેલ પોસ્ટ બની ગઈ છે.
