ભૂપેન્દ્ર રોડ પર ટ્રાવેલ્સ એજન્ટ અને બાબરીયા કોલોનીમાં મહિલાનું હાર્ટ ફેઇલ
હૃદયરોગના હુમલાથી મૃત્યુની ઘટનાઓ યથાવત રહી છે. ત્યારે રાજકોટમાં વધુ બે બનાવમાં ટ્રાવેલ્સ એજન્ટ અને મહિલાનું હાર્ટ એટેકથી મોત થતાં અરેરાટી વ્યાપી છે.
પ્રથમ બનાવની વિગત મુજબ ભૂપેન્દ્ર રોડ દિવાનપરામાં રહેતાં તુષારભાઈ અશ્વિનભાઈ ગોરસિયા (ઉ.વ.46) તેઓ ગઈકાલ સવારે પોતાના ઘરે હતા ત્યારે હાર્ટ એટેક આવતા તેઓ બેભાન થઈ જતાં તાકીદે રાજકોટ સિવિલ હોસ્પિટલમાં ખસેડવામાં આવ્યા હતા. જ્યાં સારવાર કારગત નીવડે તે પહેલાં જ દમ તોડી દિધો હતો. મૃતક તુષારભાઈ ટ્રાવેલ્સ એજન્ટનું કામ કરતાં હતાં. તેઓને સંતાનમાં એક પુત્ર અને એક પુત્રી હોવાનું જાણવા મળ્યું હતું.બીજા બનાવમાં બાબરીયા કોલોનીમાં રહેતાં ભાવનાબેન રતુભારથી ગોસ્વામી (ઉ.વ.૫૦) નામના મહિલા રાતે બે વાગ્યે માંડાડુંગર નજીક આવેલા ગોકુલ પાર્ક-૩માં પોતાના જમાઇ અલ્પેશપરી મેરૂપરી ગોસ્વામીના ઘરે હતાં ત્યારે એકાએક બેભાન થઇ જતાં સિવિલ હોસ્પિટલમાં ખસેડાયા હતા. પરંતુ અહિ મૃત્યુ થતાં પરિવારમાં શોક છવાઈ ગયો હતો.ભાવનાબેના પતિ રતુભારથી ડ્રાઇવીંગ કરી ગુજરાન ચલાવે છે. સંતાનમાં બે પુત્રી અને એક પુત્ર છે. તેઓ રવિવારથી દિકરી-જમાઇના ઘરે રોકાવા ગયા હતા. રાત્રે હાર્ટએટેક આવી જતાં તે જીવલેણ નીવડયો હતો.
