બોસ્ટન યુનિવર્સિટીની સ્કોલરશીપ અને શિક્ષણ લોનમાંથી અમેરિકામાં ભણ્યો: અભિજીત દીપકે

CJPનું ભંડોળ ક્રાઉડફંડિંગથી એકત્ર કરવાની જાહેરાત

કોકરોચ જનતા પાર્ટી (CJP)ના સ્થાપક અભિજીત દીપકેએ તેમના અમેરિકામાં થયેલા ઉચ્ચ શિક્ષણ અંગે ઊઠેલા વિવાદ પર સ્પષ્ટતા કરતાં જણાવ્યું કે તેઓ બોસ્ટન યુનિવર્સિટીની સ્કોલરશિપ અને એજ્યુકેશન લોનના આધારે અભ્યાસ કરવા ગયા હતા. તેમણે વરિષ્ઠ પત્રકાર બરખા દત્તને આપેલા ઇન્ટરવ્યૂમાં પોતાની સ્કોલરશિપનો પત્ર પણ રજૂ કર્યો હતો.

તાજેતરમાં સુરતના એક RTI કાર્યકરે દીપકેના પરિવારની આર્થિક સ્થિતિની તપાસ કરવાની માંગ કરી હતી. આઈ.ટી.આઈ એક્ટિવિસ્ટે એવો સવાલ કર્યો હતો કે દીપકે ના પિતા મારા ઇન્ડસ્ટ્રીયલ ડેવલપમેન્ટ કોર્પોરેશન માં જુનિયર એન્જિનિયર તરીકે નિવૃત્ત થયા હતા. તેમનો પગાર 60 થી 65000 રૂપિયા હતો તો પછી તેમના પુત્રને અમેરિકામાં કેવી રીતે અભ્યાસ કરાવ્યો?

આ આરોપોને નકારી કાઢતાં અભિજીત દીપકેએ કહ્યું કે, “મારું શિક્ષણ બોસ્ટન યુનિવર્સિટીની સ્કોલરશિપથી થયું હતું અને બાકી માટે મેં એજ્યુકેશન લોન લીધી હતી, જે હજુ ચૂકવવાની છે.”

આ પણ વાંચો: દિલ્હી રામલીલા મહાસંઘની મેકર્સને ચેતવણી: વિશેષ સ્ક્રીનિંગની માંગ: ધાર્મિક લાગણીઓ દુભાય તો દેશવ્યાપી વિરોધની ચીમકી

CJPના ભંડોળ અંગે પૂછાયેલા પ્રશ્નના જવાબમાં દીપકેએ જણાવ્યું કે આગામી સમયમાં પાર્ટી સંપૂર્ણ પારદર્શિતા સાથે ક્રાઉડફંડિંગ દ્વારા લોકો પાસેથી નાણાં એકત્ર કરશે. તેમણે દાવો કર્યો કે NEET પેપર લીક વિરોધ પ્રદર્શન દરમિયાન પણ સામાન્ય લોકોએ જ ભોજન, પાણી અને અન્ય જરૂરી સહાય પૂરી પાડી હતી.

કેટલાક પોલીસકર્મીઓએ પણ પાણીની બોટલો આપી

અભિજીત દીપકેએ દાવો કર્યો કે NEET પેપર લીક વિરોધ પ્રદર્શન દરમિયાન કેટલાક દિલ્હી પોલીસકર્મીઓએ ગુપ્ત રીતે તેમની મદદ કરી હતી. તેમના કહેવા મુજબ કેટલાક પોલીસકર્મીઓએ પોતાની ઓળખ જાહેર ન કરવાની શરતે પાણીની બોટલો આપી હતી. દીપકેના જણાવ્યા પ્રમાણે, પોલીસકર્મીઓએ કહ્યું હતું કે તેમના બાળકો પણ NEETની તૈયારી કરી રહ્યા હોવાથી તેઓ આ આંદોલન પ્રત્યે સહાનુભૂતિ ધરાવતા હતા.

“PM CARES Fundની વિગતો પણ માંગો” : વૈષ્ણવી ગૌર

CJPના પ્રવક્તા વૈષ્ણવી ગૌરે RTI કાર્યકર પર પ્રહાર કરતાં સોશિયલ મીડિયા પર લખ્યું કે જો કોઈ ખાનગી વ્યક્તિના શિક્ષણ ખર્ચ અંગે RTI દાખલ કરવામાં આવે છે, તો PM CARES Fundની વિગતો પણ માંગવી જોઈએ. તેમણે આ વિગતો માંગનાર આર.ટી.આઈ એક્ટિવિસ્ટ ઉપર કટાક્ષ કરતાં લખ્યું કે, “મોદીજી તમને માફ કરી દેશે, ચિંતા કરશો નહીં.” વૈષ્ણવી ગૌરે આરોપ લગાવ્યો કે ફરિયાદો પસંદગીપૂર્વક કરવામાં આવી રહી છે અને CJPને રાજકીય રીતે નિશાન બનાવવાનો પ્રયાસ થઈ રહ્યો છે.