પેપર લીક કેસમાં ચાર્જશીટ : ૧૩ આરોપી, ૪૨૨ દસ્તાવેજ, ૨૦,૦૦૦ પાનાં અને ૩૬૦ નિવેદનો
નવી દિલ્હી: પેપર લીક મામલામાં તપાસ કરી રહેલી સીબીઆઈએ 13 આરોપીઓ સામે 20 હજાર પાનાની ચાર્જશીટ રાઉસ એવન્યુ કોર્ટમાં દાખલ કરવામાં આવી છે.આ ચાર્જશીટમાં ૪૨૨ દસ્તાવેજો જોડવામાં આવ્યા છે અને ૩૬૦ સાક્ષીઓના નિવેદન પણ જોડવામાં આવ્યા છે. આ કેસમાં હવે ત્રીજી ઓગસ્ટે સુનાવણી થશે
કોર્ટમાં સુનાવણી દરમિયાન સીબીઆઈએ કોર્ટને જણાવ્યું કે, ચાર્જશીટ સાથે જોડાયેલા દસ્તાવેજોને સ્કેન કરવાની પ્રક્રિયા ચાલી રહી છે. જો કે, ચાર્જશીટ રજૂ કરવામાં આવી હોવાથી અન્ય મહત્વની દસ્તાવેજોને કોર્ટમાં રજૂ કરવા માટે વધારે સમય આપ્યો છે.
આ પણ વાંચો: જીવતા સમાધિ લેવાનો સ્ટંટ ભારે પડ્યો
સીબીઆઈ દ્વારા આ કેસમાં 13 આરોપીઓ સામે કાવતરું, છેતરપિંડી, ગુનાહિત વિશ્વાસ ભંગ, પુરાવાનો નાશ કરવો અને ભ્રષ્ટાચાર નિવારણ કાયદા હેઠળના આરોપ હેઠળ ગુનો નોંધવામાં આવ્યો છે. આ સાથે આરોપીઓ સામે લોક પરીક્ષા અધિનિયમ 2024 અંતર્ગત પણ કાર્યવાહી કરવામાં આવી છે. સીબીઆઈએ આ કેસમાં 360 સાક્ષીના નિવેદનો સામેલ કર્યાં છે. આરોપ પત્રમાં 422 દસ્તાવેજ અને 43 પ્રત્યક્ષ યા નજરે જોનારા સાક્ષી પણ સામેલ કરવામાં આવ્યાં છે. સીબીઆઈ દ્વારા એ પણ સાબિત કરવામાં આવ્યું છે કે, પરીક્ષા પહેલા નીટના પ્રશ્ન પત્રના કેટલાક પ્રશ્નો પહેલા જ લીક કરવામાં આવ્યાં હતાં.
આ કેસમાં સીબીઆઈએ રાજસ્થાન, હરિયાણા, દિલ્હી અને મહારાષ્ટ્ર સહિત કુલ 92 જેટલી જગ્યાએ રેડ પાડી અને તપાસ કરી હતી. સૂત્રોના જણાવ્યાં પ્રમાણે આ કેસમાં NTAના કેમિસ્ટ્રી, બાયોલોજી અને ફિજિક્સ વિષયના નિષ્ણાતનો પણ સામેલ હોવાનું સાબિત થયું છે. આ સાથે કોંચિંગ સંસ્થાઓના વ્યક્તિઓ પણ આ કૌભાંડમાં સામેલ છે.
