અમેરિકાના અર્થતંત્ર અંગે શું આવ્યો ચિંતાજનક અહેવાલ ? શું થવાનું છે ? વાંચો

અમેરિકન અર્થતંત્રમાં મંદીની આશંકા ફરી એકવાર હેડલાઇન્સમાં છે. ફેડરલ રિઝર્વે તેની તાજેતરની બેઠકમાં વ્યાજ દર ૪.૨૫% – ૪.૫% ની રેન્જમાં સ્થિર રાખવાનો નિર્ણય લીધો હતો. આ નિર્ણય પછી પ્રેસ કોન્ફરન્સમાં ફેડના ચેરમેન જેરોમ પોવેલે અર્થતંત્રની વર્તમાન સ્થિતિ અને ભવિષ્ય વિશે વિગતવાર વાત કરી હતી . ફેડરલ રિઝર્વના તાજેતરના નિર્ણય અને ચેરમેન જેરોમ પોવેલની ટિપ્પણી પહેલા, નિષ્ણાતોએ ચેતવણી આપી છે કે 2025 માં મંદીની સંભાવના વધીને 40% થઈ ગઈ છે.

આ ફક્ત અમેરિકા જ નહીં પરંતુ સમગ્ર વિશ્વ અને ભારતને પણ અસર કરી શકે છે. આમ મંદી બધા જ દેશો માટે ઘાતક બની શકે છે અને ભારત માટે પણ ચિંતા હોવાનું બહાર આવ્યું છે અને તેની અસર ભારે પ્રમાણમાં થઈ અને તે માટે પણ તૈયારી ક્રીમલેવી પડશે અને તેના માટે બેઠકોકરવાની અરહેશે .

જેરોમ પોવેલે કહ્યું, “અર્થતંત્ર હાલમાં સારું છે, પરંતુ ટેરિફ અને વૈશ્વિક અનિશ્ચિતતાનું જોખમ વધી રહ્યું છે.” પોવેલે કહ્યું કે યુએસ અર્થતંત્ર હાલમાં “સારી સ્થિતિમાં” છે, પરંતુ અનિશ્ચિતતા વધી રહી છે. રાષ્ટ્રપતિ ડોનાલ્ડ ટ્રમ્પની ટેરિફ નીતિઓ અને અન્ય ફેરફારોને કારણે આર્થિક મંદીની ચર્ચા વધુ તીવ્ર બની છે. જોકે, ફેડ માને છે કે વર્તમાન આર્થિક મજબૂતાઈ આને અટકાવી શકે છે.

ફુગાવો વધી શકે છે
ફેડ કહે છે કે અમેરિકા “સ્ટેગફ્લેશન” ના ભયનો સામનો કરી રહ્યું છે. સ્ટેગફ્લેશનનો અર્થ એ છે કે ફુગાવો વધશે પણ અર્થતંત્રનો વિકાસ થશે નહીં. સરળ ભાષામાં સમજવા માટે, તમારો પગાર નહીં વધે પણ તમારા ખર્ચા વધશે. ધારો કે તમારો પગાર એ જ રહે છે અથવા ઘટે છે પણ તમારું ઘર ભાડું અને રેશન બિલ વધે છે, તો તમે શું કરશો? અમેરિકાના લોકો પણ હવે આ પ્રશ્નનો સામનો કરી રહ્યા છે.

ભારત પર શું અસર પડશે?

ભારતનું અર્થતંત્ર મજબૂત દેખાય છે, જેમાં જીડીપી વૃદ્ધિ 6.4-6.6% રહેવાનો અંદાજ છે. પરંતુ યુએસ મંદી અનેક પડકારો લાવશે તે જોખમ રહેલું છે અને તેની
અસર રહેવાની જ છે . અમેરિકા ભારતનું સૌથી મોટું નિકાસ બજાર છે. ફાર્મા, ટેક્સટાઇલ અને આઇટી ક્ષેત્રોને નુકસાન થશે. ૨૦૨૪માં ભારતની અમેરિકામાં નિકાસ ૮૦ અબજ ડોલર હતી, જે ૧૦-૧૫% ઘટી શકે છે.