ટ્રમ્પ સરકારને મોટો ઝટકો: H-1B વિઝા પર $1 લાખની વધારાની ફી ઝીંકવાની યોજના અમેરિકી કોર્ટે કરી રદ

અમેરિકાની બોસ્ટન કોર્ટે ટ્રમ્પ સરકારની નવી H-1B વિઝા અરજીઓ પર 1 લાખ ડોલર (આશરે ₹96 લાખ)ની તોતિંગ વધારાની ફી વસૂલવાની યોજનાને ગેરકાયદે જાહેર કરીને રદ કરી દીધી છે. કોર્ટે સ્પષ્ટ કર્યું છે કે સરકાર પાસે આટલી મોટી ફી ઉઘરાવવાનો કોઈ કાનૂની અધિકાર નથી. ઉલ્લેખનીય છે કે ટ્રમ્પ સરકારે ગયા વર્ષે ઈમિગ્રેશન નિયમો કડક કરીને આ ફી વધારાનો પ્રસ્તાવ મૂક્યો હતો. કોર્ટના આ ચુકાદાથી અમેરિકી આઈટી કંપનીઓ સહિત H-1B વિઝાનો સૌથી વધુ લાભ મેળવતા ભારતીય ટેકનોલોજી પ્રોફેશનલ્સને બહુ મોટી રાહત મળી છે.