તારો પતિ મારા શરીરમાં આવે છે…મૃત પુત્રના નામે તબીબ સસરો બન્યો શેતાન : વિધવા પુત્રવધૂને કર્યા અડપલાં

રાજકોટ શહેરમાં ભદ્ર સમાજને કલંકિત કરતો કિસ્સો સામે આવ્યો છે. તબીબી સસરાએ ફરવા ગયા હોય ત્યારે તેમજ ઘરે મધરાત્રે વિધવા પુત્રવધૂની શારીરિક પજવણી કરી હતી. બાપ સમાન સસરાની આવી હરકતની જાણ સાસુને કરતા તેઓએ પણ તેમના શરીરમાં પુત્રની આત્મા આવતી હોવાનું કહી દીધું હોય જેથી આખરે આખરે કંટાળી વિધવાએ સસરા વિરુદ્ધ પોલીસમાં ફરિયાદ નોંધાવી હતી.

મળતી વિગતો મુજબ, કાલાવડ રોડ પર રહેતી 38 વર્ષીય ભોગ બનનાર વિધવાએ યુનિવર્સિટી પોલીસ મથકમાં ફરિયાદ નોંધાવતા જણાવ્યું હતું કે, તેમના પતિનું લીવર ફેલિયરના કારણે ગત ગત તારીખ 21/8/2023ના અવસાન થયું હતું જે બાદ 6 વર્ષનો પુત્ર અને પોતે એકલા રહે છે. પતિના અવસાનના આશરે ૯ મહિના બાદ તારીખ 19/5/24 પુત્ર અને સાસુ-સસરા સાથે ચિત્રકૂટ ફરવા માટે ગયા હતા. રાત્રીના સમયે થાકીને તેણી સગીર પુત્ર સાથે સુઇ ગયેલ હોય તે દરમિયાન તેણીની જાણ બહાર તેમની સાથે સાસુની જગ્યાયે સસરા બાજુમા સુઇ ગયેલ હતાં. તેમજ સાસુને નિદરનો પ્રોબ્લેમ હોય જેથી તે ઉંઘની દવા લઈને અલગ ગાદલામાં નીચે સુતેલા હતાં. દરમિયાન સેતાન બનેલા આરોપી સસરાએ તેણી ઉંઘમા હોય તે સમયે ગાલ, પેટ તથા પ્રાઇવેટ પાર્ટ પર હાથ ફેરવવા લાગતાં અચાનક ડરી જઈ ને જાગી ગયેલ અને સસરાને કહેલ કે પપ્પા તમે આ શું કરો છો, તેમ કહીને તેના સાસુને જગાડવા જતા સસરાએ કહેલ કે, તુ જગાડીશ નહી બાકી જોવા જેવી થશે તેમ કહેલ જેથી તેણી ડરી જઈને આખી રાત એક ખુણામા બેસી રહેલ હતી.

સવારે સાસુને વાત કરતા સાસુએ તેણીને કહ્યું કે, મને તારા સસરાએ વાત કરેલ છે, તેણે કંઈ કરેલ નથી, તેના શરીરમાં મારો પુત્ર આવેલ હતો. તેમજ આ કોઈને કહીશ નહી નહીતર તને ઘર ચલાવવા માટે પૈસા નહી આપીએ તેવુ જણાવતા કોઈ ને વાત કરેલ નહી. બાદમાં તે 24/03/2025ના બપોરના સમયે ભોગ બનનારના ઘરે તેણીના બેન અને બનેવી આવયા હોય ત્યારે બપોરના સમયે સસરા ઘરે આવેલા અને જણાવેલ કે, મારે તારા સાસુ સાથે બનતું નથી તેથી હું અહીં જ રહીશ પુત્રવધૂએ આવુ સારુ ના લાગે શાંતિથી વાત કરીએ તેમજ સાસુ પણ અહીં રહેવા માટે આવી જાઈ તેવુ જાણવા સાસુને ફોન કરતાં તેઓએ કહ્યું કે, મારે તેની સાથે કાંઈ લેવા દેવા નથી, તેનુ કોઈ બીજી સાથે અફેર ચાલે છે.

જે બાદ સસરા અહીં રોકાઈ ગયા હોય ત્યારે રાત્રિના 3.30 દરમિયાન તેઓએ પુત્રવધૂનો દરવાજો ખખડાવેલો અને પોતાની જગ્યા બદલી હોય જેથી નીંદર ન આવતી હોય તેવું કહી તેણીનો હાથ પકડી ફરી પ્રાઇવેટ પાર્ટને અડવાની ક્રોશિષ કરી હતી.જેથી તેને સસરાનેધક્કો મારી બાજુના રૂમમાં સૂતેલા બેન બનેવીને જગાડયા હતા. બીજા દિવસે તેણીએ માતા-પિતાને વાત કરી ફરિયાદ નોંધાવી છે. પોલીસે છેડતી સહિતની કલમોના આધારે આરોપીની ધરપકડ કરવા તજવીજ હાથ ધરી છે.