લેબેનોનમાં શું છે હાલત ? ઇઝરાયલ પર કયા દેશે હુમલો કર્યો ? જુઓ

ઇઝરાયલના વડા બેન્જામિન નેતન્યાહુએ હિઝબુલ્લાહને જડમૂળથી ખતમ કરવાનું કામ હાથમાં લીધું છે. આ હેતુ માટે, ઇઝરાયેલની સેના લેબનોનમાં હિઝબુલ્લાહના ઠેકાણાઓને નષ્ટ કરવા પર તત્પર છે. સેનાએ વચન આપ્યું છે કે જ્યાં સુધી તે આતંકવાદી જૂથનો સંપૂર્ણ નાશ ન કરે ત્યાં સુધી તે આરામ કરશે નહીં. આ સંબંધમાં તે હિઝબુલ્લાહના કમાન્ડરોને મારી રહ્યો છે. સેનાના પ્રવક્તાએ ગુરુવારે કહ્યું કે તેણે બેરુતમાં હિઝબુલ્લાહના એરિયલ ફોર્સ કમાન્ડર મુહમ્મદ હુસૈન સરૌર ઉર્ફે અબુ સાલેહને મારી નાખ્યો છે.

દરમિયાનમાં લેબેનોનમાં આખા દેશમાં હવે ઇઝરાયલ દ્વારા હવાઈ હુમલા શરૂ કરવામાં આવ્યા છે અને હજારો લોકો ઘર છોડીને નાસી રહ્યા છે. અનેક ઇમારતો ધ્વસ્ત થઈ ગઈ છે અને 800 થી વધુ લોકોના મોત થયા છે તેમજ સેંકડો લોકો ઘાયલ થયા છે. આ લડાઈ હવે વધુ ખૂંખાર બની રહી છે.

મુહમ્મદ હુસૈન સરોરે માત્ર ઉશ્કેરણી જ નહીં પરંતુ ઈઝરાયેલના લોકોને નિશાન બનાવીને ડ્રોન હુમલા, ક્રુઝ મિસાઈલ અને યુએવી સહિત અનેક હવાઈ આતંકવાદી હુમલાઓ પણ કર્યા હતા. આ કારણોસર તે ઈઝરાયેલના નિશાના પર હતો. તાજેતરમાં જ, સરોરે દક્ષિણ લેબનોનમાં યુએવી પ્રોજેક્ટનું નેતૃત્વ કર્યું અને લેબનોનમાં યુએવી ઈન્ફ્રાસ્ટ્રક્ચર તેમજ બેરૂતમાં રહેણાંક વિસ્તારની નજીક ગુપ્ત માહિતી સંગ્રહ સ્થળની સ્થાપના કરી.

સરુર 1980ના દાયકામાં હિઝબુલ્લામાં જોડાયો હતો અને સંગઠનમાં વિવિધ હોદ્દાઓ પર રહ્યો હતો. જેમાં આતંકવાદી જૂથના હવાઈ સંરક્ષણ, રાદવાન ફોર્સમાં અઝીઝ યુનિટ અને યમનમાં હિઝબોલ્લાહના એટેચનો સમાવેશ થાય છે, જ્યાં તેણે કમાન્ડર તરીકે સેવા આપી હતી. હૌથિઓ સામે લડવું એ એરફોર્સમાં સામેલ હતું. આઇડીએફએ કહ્યું કે યુદ્ધ દરમિયાન તેણે ઇઝરાયેલ પર ઘણા વિસ્ફોટક ડ્રોન હુમલા કર્યા, તેમજ સર્વેલન્સ ડ્રોનનો ઉપયોગ કર્યો.

• હવે યમનના લડાકુઓએ ઇઝરાયલ પર કર્યો હુમલો
• તેલ અવીવ પર બેલેસ્ટિક મિસાઇલ મારો કરતાં લોકો ભયમાં

ઇઝરાયલ અત્યારે લેબેનોન પર હુમલા કરી રહ્યું છે અને ગાઝાની જેમ જ આજનગ પણ ભારે તીવ્ર બની ગઈ છે ત્યારે જ હવે યમન દેશના હુથી લડાકુઓએ ઇઝરાયલ પર હુમલો કરી દીધો હતો અને આમ ત્રીજો દેશ લડાઈમાં જોડાઈ ગયો છે. હુથી લડાકુઓએ ઇઝરેલની રાજધાની તેલ અવિવ પર બેલેસ્ટિક મિસાઇલમારો કર્યો હતો. આહુમલાને પગલે ઇઝરાયલમાં સવારે જ સાયરન વાગવા લાગ્યા હતા. લોકો ઘરોમાં ઘૂસી ગયા હતા.

એમ માનવામાં આવે છે કે ગુરુવારે ઇઝરાયલ દ્વારા લેબેનોન પર મોટો હુમલો કરાયા બાદ તેના બદલાના રૂપમાં યમનના લડાકુઓએ હુમલો કરી દીધો હતો. હવે ઇઝરીલ સેનાએ યમન સામે પણ લડવાનું રહેશે.