પાકિસ્તાનમાં કેવી બની હચમચાવતી ઘટના ? આખો પરિવાર કેવી રીતે મૃત્યુ પામ્યો ? જુઓ
પાકિસ્તાનના પાણીમાં જ કઈક એવી વાત છે કે ત્યાં ક્રૂરતા સહજ રીતે જ લોકોમાં જોવા મળે છે અને વારંવાર અતિ ભયાનક ઘટનાઓ આકાર લઈ જાય છે આવો જ એક હચમચાવતો કિસ્સો બહાર આવ્યો હતો. કરાચીમાં રહેતી એક યુવતીએ પ્રેમી સાથે લગ્ન ન કરાવી આપતાં પોતાના જ પરિવારનો ખાતમો બોલાવી દેતાં ચકચાર મચી હતી. પોલીસે રવિવારે એક યુવતીની ધરપકડ કરી હતી. આ યુવતીએ પોતાના જ પરિવારના 13 લોકોના ભોજનમાં ઝેર ભેળવી મોતને ઘાટ ઉતારી દીધા હતા.
લગ્ન માટે ફેમિલી તૈયાર નહોતી
યુવતીના પરિવારના સભ્યો તેની પસંદગી અનુસાર લગ્ન કરાવવા તૈયાર ન થતાં તેણે આ પગલું ભર્યું હોવાનું જાણવા મળ્યું છે. ખૈરપુર નજીક હૈબત ખાન બ્રોહી ગામમાં 19 ઓગસ્ટે પરિવારના 13 સભ્યોના અચાનક મોત નીપજ્યા હતા. પોલીસ તપાસમાં જાણવા મળ્યું કે, યુવતીએ પોતાના જ પ્રેમી સાથે મળી આ ઘટનાને અંજામ આપ્યો હતો.
વરિષ્ઠ પોલીસ અધિકારીએ મીડિયાને જણાવ્યું હતું કે, ભોજન લીધા બાદ પરિવારના તમામ 13 સભ્યો બીમાર પડ્યા હતા. તમામને હોસ્પિટલ દાખલ કરવામાં આવ્યા હતાં. જ્યાં તમામના મોત નીપજ્યા હતા. પોસ્ટમોર્ટમ કરતાં જાણવા મળ્યું હતું કે, આ લોકોની મોત ઝેરી ભોજન લેવાથી થઈ હતી. પોલીસે ઉંડી તપાસ કરતાં જાણવા મળ્યું કે, તેમની જ દિકરીએ તેના પ્રેમી સાથે મળી રોટલી બનાવવામાં વપરાતા ઘઉંમાં ઝેર ભેળવી દીધુ હતું.
પ્રેમીએ સાથ આપ્યો
યુવતીએ પોતાના પ્રેમી સાથે લગ્ન કરવા માટે પરિવારને અનેક વખત સમજાવ્યો હોવા છતાં પરિવાર તેની પસંદના યુવક સાથે લગ્ન કરાવવા તૈયાર થયો ન હતો. જેથી પ્રેમમાં પાગલ યુવતીએ પ્રેમી સાથે મળી આ દર્દનાક કૃત્યને અંજામ આપ્યો હતો.