VIDEO: ફૂકેટ એરપોર્ટ પર એર ઈન્ડિયા એક્સપ્રેસની ફ્લાઇટમાં ખામી: વિમાનમાં ગિયર તૂટી જતાં હાર્ડ લેન્ડિંગ, 141 મુસાફરોના જીવ તાળવે ચોટયા

હૈદરાબાદથી ફૂકેટ, થાઈલેન્ડ જઈ રહેલી એર ઈન્ડિયા એક્સપ્રેસ ફ્લાઈટમાં લેન્ડિંગ દરમિયાન ગંભીર ટેકનિકલ ખામી સર્જાઈ હતી ત્યારે મુસાફરો ગભરાઈ ગયા હતા. ફૂકેટ ઈન્ટરનેશનલ એરપોર્ટના રનવે પર પ્લેન લેન્ડ થતાં જ તેનું નોઝ વ્હીલ એટલે કે આગળનો લેન્ડિંગ ગિયર તૂટી ગયો હતો. જો ક્વે હાર્ડ લેન્ડિંગ થયું હતું અને 141 મુસાફરોનો બચાવ થઈ ગયો હતો.

અચાનક, આ ઘટનાથી મુસાફરોના શ્વાસ અટકી ગયા હતા. થોડા સમય માટે પ્લેન રનવે પર અટવાઈ ગયું. જોકે, પાઈલટ અને ક્રૂની સતર્કતાને કારણે સંભવિત મોટી દુર્ઘટના ટાળી દેવામાં આવી. મુસાફરોને કાળજીપૂર્વક વિમાનમાંથી બહાર કાઢવામાં આવ્યા હતા અને બધા સુરક્ષિત છે.

Crash Landing –

Air India Express confirmed that its #Hyderabad–#Phuket flight on March 11 experienced a nose wheel issue during landing at #PhuketAirport, resulting in a hard landing.

The crew followed all safety protocols and all passengers were safely deplaned. No injuries… pic.twitter.com/3nIm9KoY3q

— Chaudhary Parvez (@ChaudharyParvez) March 11, 2026

આ ઘટના 11 માર્ચે હૈદરાબાદથી ફૂકેટ જતી એર ઈન્ડિયા એક્સપ્રેસ ફ્લાઈટ IX938 સાથે બની હતી. તેમાં લગભગ 135 મુસાફરો અને 6 ક્રૂ સભ્યો સવાર હતા. લેન્ડિંગ દરમિયાન સર્જાયેલી આ ટેકનિકલ કટોકટી એરપોર્ટ વહીવટીતંત્ર અને મુસાફરો માટે થોડા સમય માટે ચિંતાનું કારણ બની હતી. જોકે, રાહતની વાત એ છે કે આ ઘટનામાં કોઈને ઈજા થઈ નથી અને બધા લોકો સુરક્ષિત છે.

આ પણ વાંચો: દુબઈ ઇન્ટરનેશનલ એરપોર્ટ નજીક ઈરાનના બે ડ્રોન ખાબક્યા: ચાર લોકો થયા ઘાયલ, ઇજાગ્રસ્તોમાં એક ભારતીય કર્મચારી

માહિતી અનુસાર, ફ્લાઇટ IX938 સવારે લગભગ 6:10 વાગ્યે હૈદરાબાદથી રવાના થઈ હતી અને લગભગ 11:24 વાગ્યે ફુકેટ આંતરરાષ્ટ્રીય એરપોર્ટ પર પહોંચી હતી. પરંતુ વિમાન રનવે પર ઉતરતાની સાથે જ તેનું નોઝ વ્હીલ તૂટી ગયું. આ કારણે, વિમાન રનવે પર ફસાઈ ગયું અને તરત જ આગળ વધી શક્યું નહીં.