ભારે કરી! તંગી વચ્ચે ઝાંસીમાં 18 લાખના 524 ગેસ સિલિન્ડરની ચોરી, CCTV ફૂટેજના આધારે પોલીસે 7 લોકોની કરી ધરપકડ
મિડલ ઇસ્ટના યુદ્ધને લીધે દેશમાં કોમર્શીયલ ગેસની તંગી ઉભી થઇ છે ત્યારે ઉત્તરપ્રદેશનાં ઝાંસીમાં ટ્રક ભરીને રાંધણ ગેસના બાટલાની ચોરી થઇ હતી. અત્યારના સંજોગોમાં રાંધણ ગેસ ના બાટલા ચોરાતા વહીવટી તંત્ર પણ દોડધામમાં પડી ગયું હતું.
ઝાંસીના સીપરી બજાર પોલીસ સ્ટેશન વિસ્તારમાં બનેલી આ ઘટનાની વિગતો મુજબ, ટ્રકમાં 524 ભરેલા એલપીજી ગેસ સિલિન્ડર હતા, જેની કિંમત અંદાજે ₹18 લાખ જણાવવામાં આવી રહી છે. આ ટ્રક ઝાંસીના કરારી સ્થિત ભારત પેટ્રોલિયમ કોર્પોરેશનના પ્લાન્ટનો હતો. 2 માર્ચે સિલિન્ડર લોડ કરીને કાનપુર દેહાત મોકલવાના હતા, પરંતુ હોળીના તહેવારને કારણે ડ્રાઈવર ટ્રકને પ્લાન્ટની બહાર પાર્ક કરીને ઘરે ગયો હતો.
6 માર્ચે ટ્રક માલિક નીરજ અગ્રવાલને માહિતી મળી કે ટ્રક બડાગાંવ વિસ્તારમાં હાઈવે કિનારે બિનવારસી હાલતમાં પડી છે. જ્યારે તેઓ ત્યાં પહોંચ્યા ત્યારે જોવા મળ્યું કે, ટ્રકમાંથી તમામ ગેસ સિલિન્ડર ગાયબ હતા. ચોરોએ પકડાઈ જવાની બીકે ટ્રકનું GPS (જીપીએસ) પણ તોડી નાખી હતી.
પોલીસની અલગ-અલગ ટીમોએ આસપાસના સીસીટીવી ફૂટેજ તપસ્યા બાદ મળેલી માહિતીના આધારે પગેરું મેળવીને આ તમામ બાટલા કબજે કર્યા હતા. પોલીસે સાત લોકોની ધરપકડ પણ કરી છે.
