મુકેશ અંબાણીને ત્રીજી વાર ધમકી, હવે 400 કરોડ આપવા માગણી

બેલ્જિયમથી ઈ મેઇલ થયા હોવાનું પોલીસ જણાવ્યું, તપાસ ઝડપી બની

રિલાયન્સ ઇન્ડસ્ટ્રીઝના ચેરમેન મુકેશ અંબાણી ને એક અઠવાડિયામાં ત્રીજી વખત જાનથી મારી નાખવાની ધમકી આપવામાં આવી છે, ધમકી આપનારે પહેલા બે વખતમાં 20 કરોડ અને ત્યારબાદ 200 કરોડ રુપિયાની ખંડણી માગી હતી ત્યારે હવે તેણે 400 કરોડ રુપિયાની ખંડણી માગી છે. આ બાબતે તપાસ ચાલી રહી છે. છેલ્લો મેઇલ બેલ્જિયમથી આવ્યો હોવાનું પોલીસે જણાવ્યું છે.

મુકેશ અંબાણીને આ પહેલા શનિવારે ઈમેલ કરીને જાનથી મારી નાખવાની ધમકી આપી હતી અને 20 કરોડ રુપિયા માંગ્યા હતા. આ ઉપરાંત બીજા દિવસે એ જ ઈમેલ દ્વારા ફરીવાર ધમકી આપીને રુપિયા 200 કરોડની ખંડણી માગી હતી, ત્યારે હવે ધમકી આપનાર વ્યક્તિએ અંબાણી પાસેથી 400 કરોડ રુપિયાની ખંડણી માગી છે.

અઠવાડિયામાં ત્રીજી વખત મુકેશ અંબાણીને ધમકી આપી છે. છેલ્લા ઈમેલમાં ખંડણી માંગનાર વ્યક્તિએ લખ્યું છે કે હવે અમે અમારી માંગ વધારીને 400 કરોડ કરી દીધી છે અને જો પોલીસ મને ન શોધી શકે તો તે મારી ધરપકડ પણ કરી શક્શે નહીં. હાલ મહારાષ્ટ્રની સાયબર ક્રાઈમ સેલ અને ક્રાઈમ બ્રાંચ તપાસ કરી રહી છે. પોલીસની પ્રાથમીક તપાસમાં આ મેઈલ બેલ્જિયમથી આવ્યો હોવાનું સામે આવ્યું છે.