શેર કે બચ્ચો કો કહેતે હૈ છાવા… વીકી કૌશલની આગામી ધમાકેદાર ફિલ્મ Chhaavaનું ટીઝર રીલીઝ
રક્ષાબંધનના અવસર પર વિકી કૌશલે તેના ફેન્સને મોટી ટ્રીટ આપી છે. અભિનેતાની આગામી ફિલ્મ ‘છાવા’નું દમદાર ટીઝર રિલીઝ થઈ ગયું છે. આ ફિલ્મમાં વિકીની સામે રશ્મિકા મંદન્ના જોવા મળશે. છત્રપતિ સંભાજી મહારાજની બહાદુરીની ગાથા દર્શાવતી આ ફિલ્મ 6 ડિસેમ્બર 2024ના રોજ રિલીઝ થશે.
બોલીવુડમાં એક પછી એક હીટ ફિલ્મો આપતા વીકી કૌશલ પોતાની આગામી ફિલ્મમાં કંઇક અલગ અંદાજમાં જોવા મળશે વીકી કૌશલની આગામી ફિલ્મ છાવાના ટીઝરમાં વિક્કી તીવ્ર યુદ્ધના દ્રશ્યો કરતો જોવા મળે છે. ટીઝરની શરૂઆત છત્રપતિ સંભાજી મહારાજના પરિચયથી થાય છે. જેની શક્તિશાળી પંક્તિ છે – छत्रपति शिवाजी महाराज को शेर कहते हैं और शेर के बच्चे को छावा
વિકી કૌશલ દમદાર રોલમાં જોવા મળશે
વિકી કૌશલ સંભાજી મહારાજનું પાત્ર ભજવી રહ્યા છે. તે એક બહાદુર સૈનિકની જેમ લડતા જોવા મળે છે . તે હજારો સૈનિકો સામે સિંહની જેમ એકલો લડી રહ્યા છે. લોહીથી લથપથ વિકીને તેના દુશ્મનો પર હુમલો કરતા જોઈને તમારી આંખો રડી જાશે. એક્શનની જેમ વિકીનો લુક પણ પાવરફુલ છે. તમે આ પહેલા ક્યારેય વિક્કીને આવા અવતારમાં નહીં જોયો હોય. ટીઝર જોયા બાદ સેલેબ્સના પણ હોશ ઉડી ગયા છે. ભૂમિ પેડનેકરે કોમેન્ટમાં લખ્યું- શું એવું કંઈ છે જે તમે વિકી ન કરી શકો. ફેબ. આહાના કુમરા, શોભિતા ધુલીપાલાએ ટીઝરના વખાણ કર્યા છે. વિકીને આ રોલમાં જોઈને ચાહકો ખુબ ખુશ થયા છે.
વિકીની સાથે રશ્મિકા જોવા મળશે
ફિલ્મમાં રશ્મિકા મંદન્ના છત્રપતિ સંભાજી મહારાજની પત્ની યેસુબાઈ ભોસલેની ભૂમિકા ભજવશે. ટીઝરમાં રશ્મિકા જોવા મળી નથી. આ ફિલ્મનું નિર્દેશન લક્ષ્મણ ઉતેકરે કર્યું છે. આ પહેલા લક્ષ્મણે મિમી, લુકા છુપ્પી જેવી ફિલ્મો બનાવી છે. વિકી અને લક્ષ્મણે ફિલ્મ ‘જરા હટકે જરા બચકે’માં કામ કર્યું હતું.
છાવા ફિલ્મ એક ઐતિહાસિક નાટક છે જે છત્રપતિ સંભાજી મહારાજના જીવનને દર્શાવે છે. તેઓ છત્રપતિ શિવાજી મહારાજના મોટા પુત્ર હતા. ફિલ્મમાં અક્ષય ખન્ના, આશુતોષ રાણા, દિવ્યા દત્તા પણ મહત્વની ભૂમિકામાં જોવા મળશે.
વિકીએ તેની કારકિર્દીમાં અત્યાર સુધી ઘણી સારી ભૂમિકાઓ ભજવી છે. તે દરેક રોલને સરળતાથી અપનાવી લે છે. પછી તે ફિલ્મ સામ બહાદુર હોય કે સરદાર ઉધમ… ચાહકોને વિકીની વર્સેટિલિટી પર કોઈ શંકા નથી. વર્ક ફ્રન્ટ પર તેની છેલ્લી રિલીઝ ફિલ્મ ‘બેડ ન્યૂઝ’ હતી. તેને મિશ્ર પ્રતિસાદ મળ્યો હતો. અભિનેતાની આગામી ફિલ્મ ‘છાવા’ પાસેથી ચાહકોને ઘણી અપેક્ષાઓ છે.
