ક્રિકેટના સુપરમેનનો વધુ એક સુપર કેચ !! કિવિના ગ્લેન ફિલિપ્સે હવામાં લગાવી છલાંગ, જુઓ હવાઈ કેચનો વિડીયો
ક્રાઈસ્ટચર્ચમાં ઈંગ્લેન્ડ અને ન્યુઝીલેન્ડ વચ્ચે રમાઈ રહેલી મેચમાં ઈંગ્લેન્ડે બીજા દિવસના અંતે પાંચ વિકેટ ગુમાવીને 319 રન બનાવ્યા હતા. હેરી બ્રુક 132 રન બનાવી અણનમ રહ્યો હતો. તેણે ઓલી પોપ સાથે 151 રનની ભાગીદારી કરી હતી. આ ભાગીદારી તોડવાનો શ્રેય ગ્લેન ફિલિપ્સને જાય છે. ફિલિપ્સે એક અદ્ભુત કેચ વડે પકડ્યો હતો અને ન્યૂઝીલેન્ડને હેરી બ્રુક અને પોપ વચ્ચેની મહત્ત્વપૂર્ણ ભાગીદારી તોડવામાં મદદ કરી હતી. આ પહેલીવાર નથી જ્યારે ગ્લેન ફિલિપ્સે આવો કેચ લીધો હોય, પહેલા પણ તેને આવા શાનદાર કેચ લીધા છે.
ગ્લેન ફિલિપ્સે શાનદાર કેચ પકડ્યો હતો
Glenn Phillips adds another unbelievable catch to his career resume! The 151-run Brook-Pope (77) partnership is broken. Watch LIVE in NZ on TVNZ DUKE and TVNZ+ #ENGvNZ pic.twitter.com/6qmSCdpa8u
— BLACKCAPS (@BLACKCAPS) November 29, 2024
સ્ટ્રાઈક પર રહેલા પોપે ટિમ સાઉદીની બોલ પર કટ શોટ રમ્યો હતો. બોલની સ્પીડ જોઈને લાગતું ન હતું કે કોઈ તેને રોકી શકશે. ફિલિપે જમણી બાજુએ ડાઇવ કરી અને એક હાથથી અદભૂત કેચ કર્યો હતો . હવામાં પકડાયેલો કેચ જોઈને બધા આશ્ચર્યચકિત થઈ ગયા. કેચ જોઈને ઓલી પોપ પણ આશ્ચર્યચકિત થઈ ગયા હતા. પોપ 77 રન બનાવીને પેવેલિયન પરત ફર્યો હતો.
આ ઓવર પહેલા ગ્લેન ફિલિપ્સનો એક કેચ ચૂક્યો હતો. 51મી ઓવરમાં ફિલિપ્સનો કેચ છોડવાને કારણે બ્રુકને ત્રીજું જીવનદાન મળ્યું. આ વખતે તે ફિલિપ્સના બોલ પર ડેવોન કોનવેના હાથે કેચ આઉટ થયો હતો. આ કેચ ઈંગ્લેન્ડને મોંઘો પડ્યો. બ્રુકે 132 રન બનાવ્યા છે. તેની ઇનિંગ્સના કારણે ઇંગ્લેન્ડ વધુ સારી સ્થિતિમાં છે.
