બિહારમાં કારમી હાર બાદ લાલુ પ્રસાદની દીકરી રોહિણીએ લીધો રાજકીય સન્યાસ: પરિવાર સાથે સંબંધ તોડવાની પણ કરી જાહેરાત
વિધાનસભાની ચૂંટણીમાં કારમાં પરાજય બાદ લાલુ તેજસ્વી પરિવારને વધુ એક આઘાતજનક આંચકો લાગ્યો છે. લાલુ પ્રસાદ યાદવની પુત્રી રોહિણી આચાર્યએ રાજકારણ છોડી દીધાની અને પરિવાર સાથેના સંબંધો તોડી નાખ્યા નહીં જાહેરાત કરતા લાલુ પરિવારના આંતરિક મતભેદો સપાટી પર આવી ગયા છે.
રોહિણીએ આ ઘોષણા X ઉપર ટ્વીટ દ્વારા કરી હતી અને એ નિર્ણય પાછળ તેમના પતિ અને તેજસ્વી યાદવ ના નજીકના સાથી સંજય યાદવ અને રમીઝની ભૂમિકા હોવાનો નિર્દેશ આપ્યો હતો.તેમણે લખ્યું,” હું રાજકારણ છોડી રહી છું, અને હું મારા પરિવારનો ત્યાગ કરી રહી છું. સંજય યાદવ અને રમીઝે મને આ કરવાનું કહ્યું હતું, અને હું બધો દોષ લઈ રહ્યો છું,”
As PM @narendramodi predicted-
— Pradeep Bhandari(प्रदीप भंडारी)🇮🇳 (@pradip103) November 15, 2025
"PARIVAR VS PARIVAR" POST BIHAR ELECTION RESULTS. https://t.co/DBNrxt91KA
વ્યવસાયે ડોક્ટર રોહિણી આચાર્ય આરજેડીના ઉમેદવાર તરીકે 2024ની લોકસભા ચૂંટણી બિહારના સારણ મતવિસ્તારમાંથી લડી હતી, પરંતુ ભાજપના રાજીવ પ્રતાપ રૂડી સામે ખૂબ જ મોટા અંતરથી હારી ગયા હતા. લાલુ પરિવારમાંથી તેજ પ્રતાપ યાદવની હકાલપટ્ટીથી તેઓ નારાજ હતા.બિહાર ચૂંટણી પહેલા રોહિણી યાદવે પાર્ટી, લાલુ યાદવ અને ભાઈ તેજસ્વી યાદવના એક્સ હેન્ડલને અનફોલો કર્યા હતા.
એવું માનવામાં આવે છે કે પક્ષમાં સાંસદ સંજય યાદવની વધતી જતી વગનો તેમણે વિરોધ કર્યો હતો. એ દરમિયાન તેમણે તેમના પિતા લાલુપ્રસાદ યાદવને કિડનીનું દાન કર્યા અંગે શંકા ઊભી કરવામાં આવતા ખટરાગ વધ્યો હતો.
આ પણ વાંચો :ભેજાબાજનો નકલી આધારકાર્ડ અને વારસાઇ આંબો બનાવી કરોડોની જમીન વેચવા કારસો, જાણો શું છે સમગ્ર મામલો
તેજ પ્રતાપની પરિવારમાંથી હકાલપટ્ટી માટે રોહિણીએ સંજય યાદવ ને જવાબદાર ઠેરવ્યા હતા તો તેજ પ્રતાપે રોહિણીની તરફેણમાં સોશિયલ મીડિયા પર અનેક પોસ્ટ કરી હતી.નોંધનીય છે કે તેજ પ્રતાપ અલગ પાર્ટી બનાવીને ચૂંટણી લડ્યા હતા. પરિણામ જાહેર થયા બાદ તેમણે મોદી અને નીતિશ ના નેતૃત્વની પ્રશંસા કરી હતી. એક પુત્ર બાદ હવે લાલુને કિડનીનું દાન આપનાર પુત્રી એ પણ કુટુંબનો ત્યાગ કરતા ભારે ચકચાર જાગી છે.
