વોઇસ ઓફ ડે, રાજકોટ
રાજકોટ ભાવનગર હાઇવે પર સોખડા ચોકડીએ ૩૫ વર્ષિય પરપ્રાંતીય યુવકને ઇકો કારના ચાલકે અડફેટે લેતાં મોત નિપજ્યું હતું.બનવા અંગે આજીડેમ પોલીસે તપાસ હાથ ધરી હતી.
મળતી વિગતો અનુસાર, સોખડા સર્કલ નજીક કારખાનામાં કામ કરતો અને મુળ યુપીનો યુવાન અરવિંદ કલીકાભાઇ પ્રસાદ (ઉ.વ.૩૫) રાત્રિના સમયે શાકભાજી લેવા જતો હતો. દરમીયાન રાણીમા રૂડીમા હોટેલ પાસે ઇકો કારની ઠોકરે ચડી જતાં ગંભીર ઇજા થતાં સારવાર માટે સિવિલ હોસ્પિટલમાં ખસેડતાં અહિ દમ તોડી દીધો હતો.બનાવ અંગે જાણ થતાં આજીડેમ પોલીસ મથકનો સ્ટાફ હોસ્પિટલે દોડી જઇ જરુરી કાગળ કાર્યવાહી હાથ ધરી હતી. વધુમાં મૃતક યુવક સોખડા ચોકડી નજીક આવેલા રઘુવંશી વે બ્રીજ પાસે એક્સેલ કારખાના નજીક રહી મજૂરી કરતો હતો.અને તેને સંતાનમાં બે પુત્રી અને એક પુત્ર છે.પોલીસે ઇકો કારના ચાલકની શોધખોળ હાથધરી છે.
