રાજકોટ શહેરના સોરઠિયાવાડી સર્કલ પાસે આવેલ પટેલનગર ઇન્ડસ્ટ્રીઝ વિસ્તારમાં આવેલા કારખાનામાં નોકરીએ રહ્યાના પ્રથમ દિવસે જ પરણિતાને કડવો અનુભવ થયો હતો. કામ સમજાવાના બહાને માલિકે શારીરિક અડપલાં કર્યો હોય જેની આપવીતી પતિને જણાવતાં ભકિતનગર પોલીસ મથકમાં ગુન્હો નોંધાયો છે.
મળતી વિગતો મુજબ, મૂળ ઉત્તરપ્રદેશની વતની 20 વર્ષીય પરણિતા લગ્ન બાદ રાજકોટ મજુરી કામ કરતા પતિ સાથે રહેવા આવી હતી. જે બાદ પોતે પણ અહીં કામની શોધમાં હોય ત્યારે એક પરિચિત મારફતે પટેલનગરમાં આવેલ નંદનવન સ્પ્રીંગ વર્ક નામના કારખાનામાં ૮ હજાર માસિક પગારથી નોકરી પર રહી હતી.
ગત તારીખ 6/5ના કામના પ્રથમ દિવસે જ પરણિતા કારખાનાની ઓફિસમાં કામ કરતી હોય તે વેળાએ માલિક શૈલેષ ડાંગર આવેલ અને કામ સમજાવવાના બહાને પરણિતાના હાથ અને હોઠ અડવા લાગેલ જેથી પરણિતાને કારખાનેદારનો ઇરાદો ખરાબ હોવાનું લાગતા ત્યાંથી દૂર જતી રહી હતી. દરમિયાન બપોરના સમયે પરિણીતાનો પતિ કારખાને ચક્કર લગાવવા આવેલ ત્યારે તેને આપવીતી જણાવી હતી. દંપતી ભક્તિનગર પોલીસ મથકે પહોંચી આરોપી સામે છેડતીની ફરિયાદ નોંધાવી હતી. પોલીસે ગુન્હો નોધી વધુ કાર્યવાહી હાથ ધરી છે.
